Shemsi, e para këngëtare shqiptare në MTV dhe VIVA

Shemsi Kamaj - Mushkolaj është e para këngëtare shqiptare që është paraqitur në MTV dhe VIVA. Ajo, me hapa të suksesshëm ndoqi ëndrrën e saj duke shprehur gjithë pasionin dhe dashurinë për muzikën drejt suksesit ku sfidat ishin të pashmangshme.

Intervistoi: Florim A. Gashi

Ndonëse para vetes ka shumë sfida, Shemsi Kamaj në vitin 1999 u paraqit në MTV me hitin e saj “Say you will be mine” dhe më vonë nga 5000 kandidatët pjesëmarrës në “The voice of Holland” u rendit e katërta duke e befasuar jurinë dhe publikun. Ishte vetëm 16 vjeçare kur editoi klipin e parë “Say you will be mine” të bashkangjitur edhe me album të punuar me Universal Records e që e quan si suksesin më të madh.
Klipi i saj i radhës ishte “Reality” Pas prezantimit të saj në MTV dhe VIVA, ajo i kthehet muzikës në “The Voice Of Holland”.

Si keni filluar me muzikë, nga talenti, pasioni, apo dashuria?
Kam filluar të këndoj prejse kam qenë e vogël. Muzika ishte pasioni im gjithmonë. Imagjinata ime ka qenë e nxitur, shpesh herë konfuze nga arti dhe ajo shkaktonte në mua të mendoj, të qesh, të qaj dhe në fund të fundit, ta kuptoj jetën në këtë botë. Kështu, ia fillova të shkruaj poezi edhe kjo më nxiste të merrem me tekstet të këngëve. Sot, unë jam këngëtare edhe kompozitore, por ëndërr tjetër e imja ka qenë që të bëhem gazetare, producente dhe shkrimtare, sepse që të gjitha, janë të lidhura me televizionin.

Kush ju ka vërejtur për herë të parë se dini të këndoni?
Motra ime Ylfete Kuqi e ka zbuluar talentin tim në muzikë, gjithashtu kam pasur edhe përkrahjen e familjarëve.

Përveçse këngëtare, ju jeni edhe mësuese?
Profesioni im si mësuese është një profesion shumë i mirë, sepse çdo ditë është një tjetër ditë. Ke punë me njerëz të ri, të vjetër, kolegë, merresh me komunikim dhe organizim, por është edhe një profesion shumë i vështirë sidomos nëse je fillestare. Gjithashtu e pëlqej shumë profesionin i gazetarisë edhe shkrimtarit, të gjitha këto mendoj se do të më plotësonin në jetë.

Shumë këngëtar kanë idhujt e tyre?
Ka shumë që i preferoj. Unë jam një simpatizuese e madhe e “’Nickelback”…Adele është një këngëtare femërore, këndon nga zemra me një zë shume të prekshëm. Po ashtu dëgjoj edhe “countrymusic”, Rascal Flatts, Alan Jachson edhe Dolly Parton. Dolly Parton e preferoj si këngëtare, por edhe si personalitet. Muzika e saj është domethënëse, prekëse, melodike; ajo është një femër perfekte dhe shumë inteligjente.

Kënga juaj që nuk e hiqni dot nga mendja për momentin?
Është një pyetje e vështirë, sepse nuk i dëgjoj këngët e mia, deri tash nuk kam bërë këngët se si kam pasur dëshirë unë. Disa këngë që i kam shkruar dhe kompozuar vet, në një të ardhme të afërt, do të mund t’i dëgjoni, ato janë çka i preferoj, sepse vinë nga zemra ime.

Cili është libri i fundit që keni lexuar?
”The Time Machine” – H G Wells. Këtë libër e kam qe disa vite, por tash e kam lexuar deri në fund. Më interesojnë librat që kanë një dimension, që nxisin filozofinë. Unë e kanë bërë edhe filmin e këtij libri, por leximi i tij është diçka më e vlefshme për mua, sepse unë kam dëshirë imagjinoj të gjithave veprimet në libër.
Gjithashtu me impresionojnë poezitë e Goethes, ato reflektojnë jetën dhe botën, ka shumë sekrete në mes të linjave.

Hobi juaj juaj?
Më pëlqen joga, sporti në përgjithësi, poezitë, arti, leximi

Sa rëndësi i kushtoni veshjes dhe kujdesit për look-un?
Gjatë studimeve nuk kisha vullnet që të merrem me modë, pas diplomimit gjeta kohë dhe vullnet që të merrem me modë, sërish. Unë jam e thjeshtë, energjike, impulsive, kreative, të gjitha këto mundohem t’i reflektoj në stilin e modës time. Stili im është sportiv, trendi, seksi edhe elegante.

Çfarë nuk pëlqen te vetja?
Nuk e di….jam shumë e thjeshtë dhe kjo pyetje do ishte mirë t’i parashtrohej atyre që më njohin mirë.

Cili është komplimenti më i mirë që ju ka bërë të ndiheni mirë?
‘Përveç bukurisë dhe këndimit, ke potencial edhe në regji’, ka qene një kompliment i një gazetarit gjerman që më ka lënë përshtypje!

Jeni në një fazë të mirë krijuese. Çka presim në një të ardhme të afërt?
Momentalisht jam duke bërë disa kurse për orientim, komunikim dhe TV. Gjithashtu, kam filluar të shkruaj një koncept të ri që e bëj në kohën e lirë. Kjo është diçka që vonon, por do të jetë gati me kohën, është një qëllim më afatgjatë. Është një performancë, në një show të ri në Gjermani që do ta shihni së shpejti, jam dukur punuar me producentë të ndryshëm.

/Telegrafi/