Shefi i OKB-së e quan vdekjen dhe shkatërrimin në Gaza më të keqen që ka parë

Shefi i OKB-së tha të hënën se Kombet e Bashkuara kanë ofruar të monitorojnë çdo armëpushim në Gaza, dhe kanë kërkuar t’i jepet fund vdekjes dhe shkatërrimit më të keq që ka parë në mandatin e tij më shumë se shtatëvjeçar.

Sekretari i Përgjithshëm, Antonio Guterres tha në një intervistë me Associated Press se është “joreale” të mendohet se OKB-ja mund të luajë një rol në të ardhmen e Gazës, qoftë duke administruar territorin ose duke siguruar një forcë paqeruajtëse, sepse Izraeli nuk ka gjasa të pranojë një rol të OKB-së.

Por ai tha se “OKB-ja do të jetë në dispozicion për të mbështetur çdo armëpushim”, transmeton Telegrafi.

Kombet e Bashkuara kanë një mision vëzhgimi ushtarak në Lindjen e Mesme, të njohur si UNTSO, që nga viti 1948 dhe “nga ana jonë, kjo ishte një nga hipotezat që ne kemi hedhur në tryezë”, tha ai.

“Sigurisht, ne do të jemi të gatshëm të bëjmë gjithçka që komuniteti ndërkombëtar kërkon për ne. Çështja është nëse palët do ta pranonin atë, dhe në veçanti nëse Izraeli do ta pranonte atë”, tha ai. /Telegrafi/