SHBA-ja sanksionon Vulinin, reagon Von Cramon: Lëvizjen e amerikanëve ta ndjekin edhe evropianët

Viola von Cramon ka reaguar pasi Aleksandar Vulin është sanksionuar nga SHBA-ja dhe bëri thirrje që këtë lëvizje të amerikanëve ta ndjekin edhe evropianët.

Drejtori i Agjencisë për Siguri dhe Informacion i Serbisë (BIA) është futur në listën e sanksioneve amerikane.

“Më në fund! Vulin është bërë sinonim i korrupsionit, kukulle e veprimeve ruse dhe trafikut të narkotikëve. Vendim shumë i rëndësishëm i Thesarit të SHBA-së për të sanksionuar ata që mundësojnë dërgimin e paligjshëm të armëve, promovojnë Putinin dhe nacionalizmin. BE duhet ta ndjekë atë!”, ka shkruar eurodeputetja gjermane në Twitter.

Finally! #Vulin has become a synonym for corruption, 🇷🇺 puppet actions and narcotics trafficking.

Very important decision of ⁦@USTreasury⁩ 🇺🇸 to sanction those who enable illegal arm shipment, promote Putin and nationalism. #EU 🇪🇺 must follow it! https://t.co/ICy46SpbRN

— Viola von Cramon 🇺🇦🇪🇺🇮🇱 (@ViolavonCramon) July 11, 2023

SHBA-ja ka nënvizuar se do të mbajë përgjegjës të gjithë ata që janë të angazhuar në afera të korrupsionit dhe që dërgojnë përpara agjendat e tyre politike dhe interesat personale në kurriz të paqes dhe stabilitetit në Ballkanin Perëndimor. Këto marrëveshje korruptive lehtësojnë aktivitetet malinje ruse në Serbi dhe rajon.

Lexo po ashtu SHBA-ja sanksionon Aleksandar Vulinin

Sipas njoftimit të Thesarit, Vulin është përfshirë në krim të organizuar transatlantik, në operacionet joligjore narkotike dhe në keqpërdorim të detyrës zyrtare. Veprimet e Vulinit kanë avancuar korrupsionin brenda institucioneve qeverisëse të Serbisë.

Ndryshe, Vulin më parë ka shërbyer si Ministër i Mbrojtjes dhe Ministër i Brendshëm. /Telegrafi/