Shakaja me pistoletë me ujë u shndërrua në përplasje masive në një pishinë të Berlinit – u desh intervenimi i rreth 100 policëve

Një përleshje masive shpërtheu në një pishinë të hapur në Berlin të dielën, me 100 të rinj që u përleshen me njëri-tjetrin.

Sipas mediave të huaja, përcjell Telegrafi, përleshja e madhe shpërtheu pasi një grup spërkati një tjetër me një pistoletë uji në Sommerbad am Insulaner në lagjen Steglitz të kryeqytetit gjerman.

Kjo mësohet se është zhvilluar në një përplasje verbale dhe më pas ka kaluar në një përplasje fizike.

Si pasojë, në vendngjarje kanë mbërritur disa automjete të policisë me rreth njëqind policë dhe kanë arrestuar disa persona.

Shumë familjeve që ishin të pranishme në pishinën e hapur të njohur, të cilët ishin aty për të shijuar motin e nxehtë gjatë fundjavës, iu desh të largoheshin me vrap.

Policia mbërriti në masë dhe më në fund mundi të qetësonte atmosferën e ndezur.

Sipas hetimeve, të dyshuar janë katër persona të moshës 23 vjeç, dy të moshës 21 vjeç dhe një 15 vjeç.

Disa nga të përfshirët duhej të trajtoheshin për lëndime të vogla, citohet të ketë thënë policia, ndërkohë që një dhjetëvjeçar mësohet se ka marrë një grusht. /Telegrafi/