Sensacioni i Dortmundi humbet fluturimin me ekipin e parë për në Paris për shkak të provimeve të shkollës së mesme

Duket sikur ndeshja e Ligës së Kampionëve nuk është një arsye mjaft e mirë për të humbur mësimin në shkollë.

Talenti i ri i Borussia Dortmundit, Kjell Watjen, nuk udhëtoi me ekipin e parë në Paris, sepse kishte një test në shkollën ku vijon.

Mos u shqetësoni, Watjen nuk do ta humbasë ndeshjen, megjithatë në krahasim me bashkëlojtarët ai ka më shumë arsye për stres.

Lexo po ashtu Arsyeja pse Borussia Dortmund njihet si 'BVB' edhe pse nuk ka të bëjë me emrin e klubit

Sebastian Kehl, drejtori sportiv i Dortmundit, vuri në dukje sfidën e veçantë me të cilën po përballet Watjen në këtë periudhë kërkuese.

“Ai është aktualisht nën stresin e provimit”, deklaroi Kehl për BILD në aeroport. “Së pari, ai ka provimin e shkollës së mesme të martën. Por më pas do ta sjellim në Paris dhe ai do të jetë atje në kohë”.

Lexo po ashtu Formacionet zyrtare, PSG – Dortmund: Parisienët kërkojnë rikthimin, Dortmundi synon mrekullinë

Udhëtimi i Watjen në këtë moment ka qenë mbresëlënës. Të shtunën e kaluar, ai bëri hapin e tij të madh, duke bërë debutimin e tij për skuadrën kryesore të Borussia Dortmund. Trajneri Edin Terzic tregoi besim të fortë tek ai që në fillim.

Përballë Augsburgut, Watjen jo vetëm që luajti të gjithë ndeshjen, por gjithashtu luajti një rol kyç në fitoren bindëse 5-1 të Dortmundit, duke krijuar një asistim për Marco Reus. /Telegrafi/

Na ndiqni në rrjetet tona sociale: Facebook, Instagram, TikTok, Twitter, Threads.