Selmani: Bozhinovski është mirë, aq sa mundet të thuhet ashtu për një gazetar të arrestuar (Foto)

Kryetari Shoqatës së Gazetarëve të Maqedonisë ka njoftuar opinionin se Zoran Bozhinovski është mirë dhe se atë e kanë vizituar nga zyra e Avokatit të Popullit, njofton Telegrafi Maqedoni.

”Kolegu Zoran Bozhinovski, i cili para pak kohësh është ekstraduar në Maqedoni, është mirë, aq sa mundet të thuhet ashtu për një gazetarë të arrestuar, që akuzohet me të padrejtë me të vetmin qëllim t’i mbyllet goja.
Megjithatë, edhe në këto kushte e rëndësishme është ai të ketë avokat te mirë, i cili do ta përfaqsojë gjatë procedurës gjyqësore. Kjo tashmë është siguruar dhe ne qëndrojmë në premtimet tona se nga afër do të ndjekim procesin dhe do të bëjmë çmos që është në fuqinë tone që ai të lirohet nga burgu.
Të martën avokati i tij e ka vizituar në burg dhe na ka informuar se Zorani mbahet mirë, nuk ka ndonjë ankesë lidhur me kushtet e burgut dhe se personeli i burgut sillet në mënyrë korekte ndaj tij. Shpresojmë se këstu do të jetë edhe në të ardhmen derisa Bozhinovski nuk lirohet.
Ditën e njejtë kur Bozhinovski është ekstraduar në Maqedoni, me kërkesë të SHGM, ai është vizituar edhe nga përfaqësues të zyrës së Avokatit të popullit, Ixhet Mehmeti, me qëllim për të parë kushtet e vendosjes në burg dhe trajtimin nga personeli i burgut.
Iu faleminderohem avokatit, Avokatit të popullit dhe personelit të burgut për çdo gjë që kanë bërë që ta ndihmojnë kolegun tonë që më lehtë të përballojë me këtë situatë apsurde. Ndërsa gazetarëve dhe opinionit iu faliminderohem për mbështetjen dhe solidaritetin e demostruar ndaj Bozhinovskit. Beteja e tij për liri është edhe betejë e jona. Ashtu siç u angazhuam për Kezharovskin, do të angazhohemi edhe për Bozhinovskin. Në fund drejtësia do të triumfojë!” (sic) thotë Selmani./Telegrafi/