Deputeti i LDK-së, Driton Selmanaj, ia ka kujtuar kryeministrit Albin Kurti disa veprime që dikur Vetëvendosja i ka bërë ndaj Isa Mustafës, derisa ka thënë se është thellësisht i zhgënjyer që koalicioni VV-LDK nuk funksionoi.
“Dua t’i kujtoj disa gjëra kryeministrit. Kryeministër, ju edhe njerëzit e juaj u patët nis në Prapashticë që ta sulmoni shtëpinë e kryeministrit Isa Mustafa. Kryeministër, ju dhe njerëzit e juaj i patë vendos edhe shufrat e hekurit në rrugët për t’ia shpërthyer gomat e veturës së tij. Kryeministër, ju dhe njerëzit e juaj në Suharekë e keni sulmuar me gurë kolonën e kryeministrit, madje edhe me gurë shumë të mëdhenj, kolonën e kryeminsitrtit duke rrezikuar edhe jetën e tij”.
“Kryeministër, krejt këto ua ka falë LDK-ja dhe Isa Mustafa. Ju ka pranuar në shtëpi dhe të ka thënë ‘hajde po të bëjmë kryeministër, merri punët në dorë dhe kryej punët e shtetit të Kosovës’. Pse e ka bërë këtë? E ka bërë për të mirën e vendit, sepse kemi qenë të bindur që vetëm LDK-ja dhe Vetëvendosja mund ta kthejnë në binarë këtë vend”.
“A jam i zhgënjyer? Thellësisht i zhgënjyer për dy elemente. E para është që për vetëm 50 ditë, ju kryeministër, ndoshta jo edhe shumë me fajin tuaj personal, por me oborrin e njerëzve që i ke përreth që më tepër flasin për konsipracione dhe qasje dogmatike ndaj problemeve në Kosovë se sa problemet reale që i kemi, tash na ka sjellë në situatë ku kemi vënë në pikëpyetje a duhet ta vazhdojmë raportin tonë qenësor me Amerikën – si aleatin themelor që e kemi – apo të kthehemi dika tjetër?”.
“Elementi i dytë është që kemi filluar të sillemi brenda shtetit të Kosovës ashtu që kryeministri merr gjatë ditës vendime anti-kushtetutese, në mbrëmje çohet ai tjetri që e kemi në krye të vendit dhe e shkel Kushtetutën. Kemi vendos të bëjmë aventura duke e rrezikuar seriozisiht stabilitetin”.
Selmanaj në seancën e sotme të Kuvendit ku pritet të votohet mocioni për rrëzimin e Qeverisë ka thënë se LDK-ja është fajtore që e ka bërë Albin Kurtin kryeministër dhe Hashim Thaçin president, derisa foli edhe për Vjosa Osmanin – e cila ndërhyri duke thënë se askush nuk ka të drejtë t’ia përmend emrin dhe të flasë në emër të saj.
“Ju mund të shani dhe fyeni LDK-në. Keni të drejtë – shani, fyeni, krejt gjuhën e tmerrshme që e keni brenda dhe vulgaritetin shpreheni”.
“Pse? Sepse vërtetë LDK-ja është fajtore, sepse ju ka bërë kryeministër. Hashim Thaçi i ka krejt fajet, sepse LDK-ja e ka bërë president. Vjosa Osmani mund të na lëshohet në qafë, sepse LDK-ja e ka bërë kryeparlamentare”.
“Tri pushtetet kryesore në Kosovë janë për shkak të LDK-së, sepse ne i kemi bërë. A jemi të zhgënjyer? Normalisht që po, sepse puna e parë që e bëjnë këta njerëz që i zgjedhim i lshohen në qafë LDK-së”.
“Kur e patëm zgjedhur Hashim Thaçin president, pas dy-tre muajve u organizua mocioni për ta rrëzuar LDK-në dhe Vetëvendosja e përkrahu. U bënë bashkë për të na rrëzuar. Kur e zgjedhëm kryeministër Albin Kurtin, pas 45 dite merr veprime për neve krejtësisht të papranushme”.
Lufta Prigozhin - Putin
Më shumë“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Von Cramon: Nuk ekziston më arsyeja për masat kufizuese të BE-së ndaj Kosovës
Osmani për fjalimin e saj në KS të OKB-së: E kemi thënë të vërtetën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre