Sekretari i Përgjithshëm i NATO-s i vlerëson vdekjet e civilëve në Bucha si “brutale”

Sekretari i Përgjithshëm i NATO-s, Jens Stoltenberg të dielën e quajti vdekjen e civilëve në një qytet në veriperëndim të Kievit një “brutalitet” pas akuzave se ata u ekzekutuan nga forcat ruse në zonë.

“Është një brutalitet ndaj civilëve që nuk e kemi parë në Evropë për dekada. Dhe është e tmerrshme dhe është absolutisht e papranueshme që civilët të jenë në shënjestër dhe të vriten. Dhe thjesht nënvizon rëndësinë që kjo luftë duhet të përfundojë”, tha ai për CNN-në.

Lexo po ashtu Gjithçka rreth agresionit rus në Ukrainë

Trupat e të paktën 20 burrave civilë u gjetën të shpërndarë nëpër një rrugë në qytetin Bucha, në veriperëndim të Kievit, pas tërheqjes së forcave ruse nga zona në imazhet shqetësuese të publikuara nga AFP të shtunën.

CNN ka kërkuar një koment nga Ministria ruse e Mbrojtjes në lidhje me pretendimet për ekzekutimin e civilëve në rajonin e Kievit dhe pjesë të tjera të Ukrainës.

Stoltenberg tha, “Unë mirëpres fuqishëm” një hetim nga Gjykata Ndërkombëtare e Drejtësisë, e cila ka hapur një hetim për krimet e luftës në Ukrainë. /Telegrafi/