Së paku 1,480 civilë të vrarë dhe 2,195 të plagosur në Ukrainë

Të paktën 1,480 civilë të vrarë dhe të paktën 2,195 të plagosur në Ukrainë, thotë zyrtari i OKB-së

Të paktën 1,480 civilë janë vrarë dhe të paktën 2,195 janë plagosur në Ukrainë që nga fillimi i pushtimit rus më 24 shkurt, tha Rosemary DiCarlo, nënsekretarja e përgjithshme e Kombeve të Bashkuara për çështjet politike dhe ndërtimin e paqes.

Duke cituar shifra të përditësuara nga Zyra e Komisionerit të Lartë për të Drejtat e Njeriut, DiCarlo tha se OHCHR beson se shifrat aktuale të viktimave civile janë “dukshëm më të larta”, raporton cnn.

Ajo vuri në dukje se numri i civilëve të vrarë ukrainas është “më shumë se dyfishi” që kur ajo informoi për herë të fundit Këshillin e Sigurimit më 17 mars.

OKB-ja është gjithashtu “seriozisht e shqetësuar” për “arrestimet arbitrare dhe zhdukjet me forcë të personave që kanë qenë të zëshëm kundër pushtimit rus”, tha DiCarlo.

Ndryshe, presidenti ukrainas, Volodymyr Zelensky i është drejtuar për herë të parë OKB-së, ku ka numëruar krimet e rusëve sidomos në Bucha. /Telegrafi/