Sanders pritet të “suspendojë” fushatën, pas tri humbjeve të fundit ndaj Biden

Bernie Sanders do të “vlerësojë fushatën e tij presidenciale” pas shfaqjes jo të mirë të senatorit në zgjedhjet demokratike të së martës, njoftoi menaxheri i tij i fushatës.

“Gara tjetër parësore është të paktën tre javë larg. Senatori Sanders do të ketë bisedime me mbështetës për të vlerësuar fushatën e tij”, tha menaxheri i fushatës së Sanders, Faiz Shakir, në një deklaratë të mërkurën në mëngjes, shkruajnë mediat e huaja, përcjell Telegrafi.

“Në afatin e menjëhershëm, megjithatë, ai është përqendruar në reagimin e qeverisë ndaj shpërthimit të coronavirusit dhe sigurimit që të kujdesemi për njerëzit që punojnë dhe më të prekurit”, ka shtuar ai.

Sipas CNN, ish-nënpresidenti amerikan Joe Biden zgjeroi në mënyrë thelbësore epërsinë e tij ndaj Sanders me fitoret Arizona, Illinois dhe Florida.

Që nga e mërkura, Biden kishte arritur një epërsi të afërt 300 delegatësh ndaj Sanders, sipas vlerësimit të CNN.

Kështu, shanset e Sanders për të fituar nominimin duken matematikisht të pakta dhe presioni nga disa Demokratë është ngritur te senatori për të braktisur garën dhe “për të bashkuar partinë”. /Telegrafi/