Sanchez: Kam kaluar te klubi më i mirë në botë, nuk mund ta refuzoja Mourinhon

Anësori i Manchester United, Alexis Sanchez, është shprehur jashtëzakonisht i kënaqur me transferimin e tij te klubi nga Old Trafford.

Sanchez kaloi te Unitedi si pjesë e një marrëveshje të shkëmbimit me Henrikh Mkhitaryan.

Ai në deklaratën e tij të parë për ueb faqen zyrtare të klubit tha se nuk ka mundur ta refuzojë Mourinhon, teksa Unitedin e quan klubin më të mirë në botë.

“Jam i ngazëllyer që i jam bashkuar klubit më të madh në botë”.

“Unë kam kaluar tri vite e gjysmë të mrekullueshme te Arsenali dhe unë kam sjellë shumë kujtime pozitive të atij klubi të mrekullueshëm dhe tifozëve të tij”.

“Mundësia për të luajtur në këtë stadium historik dhe të punoj me Mourinhon ishte një gjë që nuk kam mundur ta refuzoj. Jam shumë krenar që jam lojtari i parë kilian i cili luan për ekipin e parë të Unitedit dhe shprsoj se mund t’ua tregoj të gjithë tifozëve në mbarë botën pse ky klub ka kërkuar që të më sjellë këtu”, tha Sanchez në deklaratën e tij pas konfirmimit të transferimit.

Ky është transferimi më i madh i këtij afati kalimtar dhe Mourinho ka përforcuar ndjeshëm opsionet e tij sulmuese. /Telegrafi/