Turistët e tmerruar në Shri Lanka u desh të iknin për të shpëtuar jetën, kur një elefant ua shkatërroi makinën pasi njëri prej tyre u përpoq t'i "ofronte ushqim".
Kafsha tre tonëshe sulmoi turistët rusë, të cilët ishin në një safari duke vëzhguar kafshë të egra, dhe i la ata të bërtisnin për ndihmë, transmeton Telegrafi.
Bisha e tundi me egërsi Suzuki Every Wagon-in e tyre në një përpjekje të dukshme për ta përmbysur, me dy rrota që ngriheshin nga toka ndërsa familja filmonte veten duke ikur.
Elefanti më pas përdori feçkën e tij për të shqyer derën e mikro-furgonit, duke kërkuar më shumë fruta nga brenda, pasi njëri nga turistët brenda automjetit i ofroi ushqim.
Dy anëtarë të familjes të tmerruar ikën nga Suzuki nga ana tjetër, duke pasur frikë për jetën e tyre përpara se elefanti të tërhiqej ndërsa një automjet tjetër turistik iu afrua rrëmujës dhe i ra borisë.
U dëgjua gjithashtu një e shtënë paralajmëruese në një përpjekje për të larguar kafshën e madhe. Midis atyre që iknin ishte një djalë 11 vjeç, i cili u detyrua të ikte pa këpucët e tij. /Telegrafi/
