“Rroga ime është e madhe dhe absurde”

Juan Manuel Mata ka thënë se rroga e tij është absurde dhe shumë e madhe.

Spanjolli ka habitur të gjithë me sinqeritetin e tij i cili ka pranuar se pagat e futbollistëve profesionistë janë idiote dhe ai e kolegët e tij jetojnë të mbyllur.

Ylli i Manchester United paguhet rreth 7 milionë funte në vit, një shifër stratosferike krahasuar me shumicën e njerëzve në botë dhe këtë vetë Mata e pranon.

“Futbolli ka paga të frikshme, duket sikur jetojmë në një tullumbace. Krahasuar me pjesën tjetër të shoqërisë, ne fitojmë shifra të çmendura, është diçka pa logjikë. Krahasuar me 99.9% të spanjollëve, unë kam një pagë absurde”.

“Duket sikur biznesi i futbollit ka ndryshuar përgjithmonë dhe pronarët janë më të rëndësishëm se tifozët. Çdo lojtar mendon se është Maradona, kur shkon në një klub të madh, por kjo ndodh sidomos me ata të rinjtë në moshë”.

“Sheh fëmijë që sillen si yje roku, veshin rroba ekstravagante, ngasin makina superluksoze dhe ndoshta u duhet folur pak”, ka thënë Mata.