Rooney me fjalim emocionues pasi Derby County ra në League One

Wayne Rooney lëshoi ​​një mesazh të fortë teksa u filmua duke folur me tifozët e Derby Countyt pasi klubi ra në League One.

Rams pësuan një humbje 1-0 ndaj QPR të hënën, dhe rënia e tyre u vulos pasi Reading që ishte duke humbur 4-1 kundër Swanseas ia doli të barazonte shifrat në 4-4, duke marr kështu një pikë.

Një grup i madh tifozësh u kthyen në terrenin stërvitor të klubit Moor Farm të hënën në mbrëmje dhe përshëndetën trajnerin e ekipit të Derbyt ndërsa ktheheshin nga udhëtimi i tyre në Loftus Road.

Rooney u filmua duke iu drejtuar mbështetësve të klubit, me disa nga lojtarët dhe stafin e trajnerëve duke qëndruar pas tyre.

Në një video e cila është bërë virale në Twitter, Rooney tha: “Jemi mirënjohës për mbështetjen që na keni treguar gjatë gjithë sezonit”.

“Ka qenë shumë e vështirë, ka qenë e vështirë, disa momente të vështira për ne dhe për ju veçanërisht”.

Tifozët e Derbyt përshëndetën Rooneyn, stafin e tij dhe lojtarët në terrenin stërvitor të klubit, në të cilin trajneri lëshoi ​​një deklaratë sfiduese dhe i falënderoi ata për mbështetjen e tyre në një sezon të vështirë.

“Ishte shumë e vështirë, por ne u përpoqëm më së miri dhe bëmë gjithçka që mundëm”.

“Është për të ardhur keq që kemi rënë nga kategoria, por tani do të planifikojmë të sigurohemi që ky klub futbolli të kthehet”.

Fjalimi u prit me një duartrokitje nga mbështetësit e Derbyt me një tifoz duke u përgjigjur ‘fantastik’.

Derbi tregoi një shpirt të madh këtë sezon, pavarësisht se pësoi një zbritje prej 21 pikësh për shkak të shkeljes së rregullave të EFL dhe kalimit nën administrim. /Telegrafi/