Ronela Hajati së shpejti lanson albumin “Rron”, pas 20 vitesh karrierë

Për pothuajse një vit të tërë, artistja e njohur, Ronela Hajati nuk ka qenë aktive me prurjet muzikore.

Kjo ndonëse mund ishte si shkak i pandemisë coronavirus, por edhe për ndonjë arsye personale të artistes.

Por, në një postim në rrjetin social Instagram, Ronela ka bërë të ditur se me datën 15 mars do të lansojë albumin e titulluar “Rron”.

View this post on Instagram

A post shared by RONELA (@ronelahajatiofficial)

Titulli i prodhimtarisë muzikore ka ardhur nga emri i saj, ‘Rron-Ela’, pasi që gjërat rrojnë edhe pasi ikim.

Postimi i plotë i Ronelës:

“Rron” nga Rron- Ela … Kuptimi i emrit tim,që ma ka vendosur babai im! Që edhe pasi të ikim të rrojnë gjërat që lëmë pas…
“Rron” do jetë një album vizual që vjen pas 20 vitesh karrierë, muzikë,piano dhe çdo ditë që ju kam dedikuar asaj. “Rron” do të ketë 10 këngë, të gjitha të shoqëruara me video në dy pjesë, me 5 këngë
“Rron” do të ketë dhimbje, hakmarrje, pasion, seks, aventure, qejf, telefonata, mall, aheng por mbi të gjitha do të ketë dashuri! Dashuri për të gjithë ju që më keni dhënë duke më shtuar forcat për t’i mbijetuar një tregu sa kaotik dhe të vështirë dhe po aq të parezistueshme për mua! Kënga e parë “PROLOGUE” që është dhe Intro e albumit do të publikohet më 15 mars… Një këngë që shpreh dualizimin e personaliteteve dhe luftën me veten për të mos pranuar asnjëherë humbjen. Kënga e dyte “Shume i mire” publikohet më 10 prill dhe kënga e trete ” Aventura” publikohet më 1 maj… Në fund të majit dhe fillim qershori dalin dhe dy këngë të tjera që do jenë bashkëpunime. Më pas pjesa e dytë fillon në shtator duke mos përjashtuar daljen e ndonjë kënge tjetër jashtë albumit. Kam punuar me gjithë shpirt dhe jam e sigurt qe do ketë materiale për çdo grupmoshë, për çdo shije . Në këtë album jam kantautore! Të gjitha tekstet dhe muzika janë të miat por nuk mund të lë pa falënderuar të gjithë studiot që punoj e që më kanë dhënë një ndihmese tepër të madhe duke ma lehtësuar dhe zbukuruar punën!”.

Ronela përndryshe është ndër artistet që ka famë të bollshme në estradën shqiptare, duke u konsideruar si më të dëgjuarat. /Telegrafi/

View this post on Instagram

A post shared by RONELA (@ronelahajatiofficial)