Roma vazhdon të jetë aktive në afatin kalimtar të verës.
Skuadra italiane po mendon të përforcohet edhe më shumë që të jetë konkurrente për kampionat dhe Ligën e Kampionëve.
Emri i ri në listën e Giallorosëve është kampioni i botës me Francës, Steven N’Zonzi.
Mediat italiane kanë raportuar se drejtori sportiv i Romës, Monchi ka arritur marrëveshje me Sevillën për shumën e 30 milionë eurove.
Steven Nzonzi. (Getty Images)
Edhe marrëveshja me lojtarin është arritur ku do të fitojë 3,5 milionë euro në stinor në një kontratë katër vjeçare.
Për tu konkretizuar kjo marrëveshje, duhet pritur shitja e Maxime Gonalons për t’i liruar vendin N’Zonzit.
Roma deri më tani ka qenë skuadra italiane më aktive në tregun e transferimeve.
Justin Kluivert, Javier Pastore, Bryan Cristante e Robin Olsen janë vetëm disa nga lojtarët e transferuar nga Roma. /Telegrafi/
