Rohde: CEFTA është zhbllokuar, tani e tutje Kosova do të përfaqësohet nga zyrtarët e saj e jo nga UNMIK-u

Ambasadori gjerman në Kosovë, Jorn Rohde cilësoi si lajm të mirë për Kosovën, zbllokimin e CEFTA-s.

Rohde përmes një postimi në platformën X ka theksuar se tani e tutje Kosova do të përfaqësohet nga zyrtarët e saj, ashtu siç duhet, e jo nga UNMIK-u.

“Vërtet një lajm i mirë për Kosovën dhe gjithë rajonin: CEFTA është zhbllokuar dhe tani e tutje, Kosova do të përfaqësohet nga zyrtarët e saj, ashtu siç duhet, e jo nga UNMIK-u. Një hap i madh përpara për përfaqësim dhe pjesëmarrje të barabartë në këtë organ rajonal”, ka shkruar Rohde në X.

Ndërkaq, edhe Emisari i Gjermanisë për Ballkanin, Manuel Sarrazin, ka thënë se është lajm i mirë që në takimin e CEFTA-s u miratuan me sukses 11 vendime.

Përmes platformës X, Sarrazin ka shkruar për takimin që u mbajt sot në kuadër të CEFTA-s, ku Kosova u përfaqësua nga Rozeta Hajdari, ministre e Industrisë, Tregtisë dhe Ndërmarrësisë (MINT).

“Lajm i mirë! Organet në CEFTA sapo vendosën ndryshimin e Rregullores së punës dhe gjithashtu miratuan me sukses 11 vendime”. /Telegrafi/

Indeed good news for 🇽🇰 and the entire region: CEFTA has been unblocked and from now on, 🇽🇰 will be represented by its own officials, as it should be, rather than by UNMIK. A major step forward for equal representation and participation in this regional body! https://t.co/QTnAQItmzo

— Ambassador Jörn Rohde (@GermanAmbKOS) October 9, 2024

Good news! @CEFTA_ bodies just decided to change the Rules of procedure and also successfully adopted 11 decisions. Looking forward to a successful #BerlinProcess Summit next week. @rccint @EU_Commission #westernbalkans https://t.co/LfHEdhZ2oj

— Manuel Sarrazin (@ManuelSarrazin) October 9, 2024