Roblox: Një 10-vjeçare shpenzoi 2500 funte nga paratë e mamasë pa e ditur ajo

Një vajzë 10-vjeçare shpenzoi më shumë se 2500 funte (rreth 2900 euro) në faqen e lojërave Roblox pasi ndryshoi fjalëkalimin në tabletin iPad të familjes së saj pa e kuptuar nëna e saj.

Kështu, Georgina Munday, nga Denbighshire, ka paralajmëruar prindërit e tjerë që të jenë “vigjilentë”.

Roblox i lejon përdoruesit të krijojnë lojërat e tyre, por gjithashtu ofron blerje brenda aplikacionit për të përmirësuar avatarin e përdoruesit me gjëra të tilla si rroba ose aksesorë dhe ofron disa lojëra me pagesë për të luajtur.

Georgina Munday, 44, e cila jeton në Dyserth, tha se vajza e saj, e cila është me autizëm, kishte luajtur në tabletin e saj për më shumë kohët e fundit për shkak të mungesës së shkollës pasi kishte vështirësi në arsimin e zakonshëm.

Ajo fillimisht mendoi se dikush kishte hakuar llogarinë e vajzës së saj, por shpejt u bë e qartë se 10-vjeçarja kishte arritur të ndryshonte fjalëkalimin për të lejuar pagesat.

Vajza e saj kishte arritur të shpenzonte më shumë se 2,500 funte në faqe, por shumica ishin transaksione të vogla prej rreth 20 funte.

Për rreth një javë, Georgina, e cila është një infermiere, ishte në kontakt me Apple dhe bankën e saj, Tesco Bank, duke u përpjekur të siguronte një rimbursim, por të dyja refuzuan. /Telegrafi/