Rita Ora shkëlqen me dukjen në stilin e viteve ’40, ndërsa provokon me fustanin e hapur dhe me prerje të shumta

Ajo gjithmonë duket e bujshme.

Dhe Rita Ora ishte e sigurt se do të merrte vëmendjen ndërsa shfaqi fizikun e saj e veshur me një fustan me prerje të shumta gjatë një fotosesioni të premten.

Këngëtarja 30 vjeçare, i magjepsi të gjithë ndërsa u paraqit me fustanin e verdhë të materialit saten, i cili ishte i hapur te pjesa e dekoltesë, shkruan DailyMail.

Rita dukej e pabesueshme ndërsa pozonte para kamerës, duke shfaqur linjat e saj të tonifikuara ndërsa ishte ulur në një karrige të zezë.

Ajo e shoqëroi fustanin e saj të ndritshëm me një gjerdan elegant prej ari.

Bukuroshja i kishte mbërthyer flokët e saj bionde në një stil të vitit 1940, teksa kishte vënë një buzëkuq vezullues për të rritur joshjen.

Duke kompletuar veshjen e saj, Rita gjithashtu kishte vënë byzylykë, që i jepnin edhe më shumë hijeshi pamjes së saj.

Ylli me prejardhje shqiptare aktualisht ndodhet në Australi, për spektaklin “The Voice”, ku është përzgjedhur të jetë anëtare e jurisë.

Gjatë qëndrimit në Sydney, bukuroshja është shijuar temperaturat e larta në plazhet e Sydneyt, në disa fotografi që e kapën paparacët në paraqitje me bikini.

Lexo po ashtu Rita Ora i mburret botës: Gjyshi im u nderua me pullën e tij postare në Kosovë, për kontributin e tij të jashtëzakonshëm në film

Interpretuesja e hitit “For You” më parë ka qenë trajner në versionin britanik të “The Voice” në vitin 2015, ndërsa gjithashtu ka marrë role gjykuese në spektaklet “The X Factor” dhe “The Masked Singer”. /Telegrafi/