Rita Ora me një tjetër paraqitje mbresëlënëse – shkëlqen me performancën në Sllovaki gjatë festivalit ‘LoveStream’

Këngëtarja shqiptare me renome ndërkombëtare, Rita Ora, ka dhuruar së fundmi një spektakël të paharrueshëm në Bratislavë të Sllovakisë, ku performoi në kuadër të festivalit prestigjioz “Lovestream”.

Në kryeqytetin sllovak, Ora u ngjit në skenë për të sjellë një performancë fantastike për mijëra fansa të pranishëm, të cilët e pritën me entuziazëm dhe brohoritje të pafundme.

E veshur me një kostum shkëlqyes të ndritshëm, Rita Ora u sigurua që çdo moment i performancës së saj të ishte i veçantë dhe plot energji.

E mbështetur nga një trupë balerinësh të talentuar, këngëtarja interpretoi me pasion dhe fuqi disa prej hiteve të saj më të mëdha, duke krijuar një atmosferë të zjarrtë dhe të paharrueshme për publikun.

Paraqitja e saj në Bratislavë vjen pak kohë pasi artistja u detyrua të anulonte një koncert në Hungari për shkak të përkeqësimit të gjendjes së saj shëndetësore.

Rita ka vuajtur nga gurët në veshka, por pavarësisht kësaj, ajo u rikthye në skenë me një energji të jashtëzakonshme dhe një performancë që do të mbahet mend gjatë.

Pas suksesit në Sllovaki, Rita Ora pritet të vazhdojë turneun e saj, me destinacionin e radhës në Manchester të Mbretërisë së Bashkuar, ku do të performojë të premten.

Kjo paraqitje e saj në Manchester është një tjetër dëshmi e dedikimit të saj ndaj artit dhe fansave të saj, duke treguar se pavarësisht sfidave, ajo mbetet një nga yjet më të shndritshme të skenës muzikore botërore. /Telegrafi/

@jasomfunradio @Rita Ora je HOT RIGHT NOW! 😍 Boli ohne, bola párty, bola to dokonalá Rita Ora.🔥 Stratili sme slová, ideme ich hľadať, prepáčte. 😀 #lovestreamfestival #jasomfunradio #ritaora #funradio ♬ Hot Right Now (feat. RITA ORA) (Radio Edit) – DJ Fresh