Rita Ora mbulon fytyrën nga paparacët, teksa fotografohet në orët e vona në shoqëri të Chris Brown dhe familjes së tij

Chris Brown u pa nën shoqërinë e personave të njohur të mërkurën në mbrëmje ndërsa bëri një paraqitje në Soho me ish-të dashurën, Ammika Harris, dhe djalin e tyre të vogël Aeko.

Dyshja u takua me yllin shqiptaro-britanik, Rita Ora para se të bënin dalje të ndara nga një vend lokal në enklavën qendrore të Londrës, për t’u nisur më pas në shtëpitë e tyre përkatëse, shkruan DailyMail.

Duke u shfaqur e turpshme në mënyrë jo karakteristike, Rita, 29 vjeçe, mbuloi fytyrën e saj të njohur menjëherë ndërsa u ngjit në pjesën e pasme të veturës së saj përpara udhëtimit për në shtëpi.

Në një mbrëmje të ftohtë këngëtarja qëndroi e ngrohtë e veshur me një xhaketë të zezë dhe të rehatshme.

Duke u aksesuar me shije, Rita i shtoi pamjes së saj edhe më shumë magji me një çantë dore të markës “Chanel”, ndërsa unazat prej ari zbukuruan secilin nga gishtat e saj.

I përgatitur qartë për motin e vjeshtës britanike, Chris, 31 vjeç, kishte veshur xhaketën e tij të trashë mbi xhinse të ngushta dhe një palë atlete.

Në përputhje me udhëzimet e tanishme të shëndetit dhe sigurisë, ylli amerikan mbuloi fytyrën e tij me një maskë mbrojtëse ndërsa po kalonte nëpër rrugë me djalin dhjetë muajsh Aeko, që e mbante në krahë.

Këngëtari u pa pranë ish-bashkëshortes, Ammika, 27 vjeçe.

Kohët e fundit u zbulua se ylli kishte shfrytëzuar në maksimum kufizimet e udhëtimit të relaksuar duke u nisur për në Mbretërinë e Bashkuar për t’u ribashkuar me Ammikën dhe djalin e tyre.

Kthimi i tij në Londër vjen pasi ai u ndalua nga Britania e Madhe në vitin 2009, pas pranimit të fajësisë së tij për akuzën e sulmit nga ish-e dashura e tij, Rihanna.

Artistit më pas iu refuzua një vizë kur u përpoq të hynte në vend në vitin 2010 për turneun e tij muzikor.

Ministria e Brendshme tha në një deklaratë për BBC në atë kohë: “Ne rezervojmë të drejtën të refuzojmë hyrjen në MB për këdo që është fajtor për një vepër të rëndë penale. Siguria publike është një nga shqetësimet tona kryesore”.

Ai përfundoi dënimin e tij në vitin 2015 dhe duket se ndalimi i tij nga vendi është hequr që prej asaj kohe. /Telegrafi/