Risitë në Hotmail

Në garën për të marrë kreun e ofertës së shërbimeve pa pagesë të postës elektronike, Microsoft shtoi pesë funksionalitete të reja në klientin e vet, duke iu afruar kështu oponentit më të madh, Gmailit.

Siç pohon Microsoft në lajmërimin e lëshuar për mediat, hulumtimet kanë treguar se madje gjysma e postës elektronike që e pranon shfrytëzuesi brenda ditës në inboxin e tij përbëhet nga newsletter-at dhe ofertat për blerje. 17 për qind të tjera janë lajmërimet nga rrjetat shoqërore, nëntë për qind janë lajmërime grupore dhe lajmërimet tjera, gjashtë për qind e përbëjnë kuponët për lirime, e dy për qind janë spam dhe po aq postë tjetër. Vetëm 14 për qind e postës së marrë e përbëjnë mailët personal.

Microsoft me qëllim të përmirësimit të përvojës së shfrytëzuesit futi risitë në klientin për shfletuesit e internetit. Përmes shënimit të veçantë automatik të lajmërimeve nga rrjetat shoqërore, mesazheve të cilat kanë attachment (sikurse që janë fajllat e Office-it, fotografitë e të ngjashme) ose të ofertave të ndryshme, Hotmail prej tani në mënyrë të përshtatshme do të dalloj newsletter-at dhe do ti klasifikoj ata në një kategori të posaçme për hir të lehtësimit të kërkimit. Nëse ndonjë newsletter nuk e dëshironi dhe një herë kërkoni ndërprerjen e pranimit të tij, Hotmail vetvetiu, në mënyrë krejtësisht automatike do të jetë këmbëngulës me kërkesat për ndërprerjen e dërgimit (nganjëherë duhen bërë me dhjetëra kërkesa) dhe do të keqtrajtoj dërguesit derisa ata të mos heqin dorë, pa pasur nevojë për ndonjë aksion shtesë të shfrytëzuesit.

Organizimi dhe pastrimi i kutisë postare tani është dukshëm më i thjeshtë dhe “më i mençur”, e fshirja e mesazheve të vjetruara një përvojë më e mirë me opsionin “e mesazheve ngjitëse (sticky)”. Mesazhet e ardhura tani mund të ndahen sipas autorëve në direktoriume të veçanta, e të gjitha këto janë të lehtësuara me përdorimin e mençur të funksionit drag & drop. /Telegrafi/