Rio Ferdinand i bën propozimin më romantik Kate Wright para tre fëmijëve të tij gjatë pushimeve familjare në Abu Dhabi

Kate Wright dhe Rio Ferdinand kanë njoftuar se janë fejuar pas dy vitesh lidhje.

Ish-aktorja e serialit televiziv “Towie”, 27 vjeçare, pranoi një propozim romantik nga legjenda sportive, 39 vjeçari Rio Ferdinand.

Ky propozim romantik iu bë 27-vjeçares në majën e një prej ndërtesave më të larta në Abu Dhabi, shkruan DailyMail, transmeton Telegrafi.

Propozimi u bë edhe më romantik me prezencën e tre fëmijëve të futbollistit, kjo pasi familja tash e sa kohë po shijojnë pushimet në Emiratet e Bashkuara Arabe.

Lajmin e bëri të ditur vet Kate përmes disa fotografive të publikuara në rrjetin social Instagram.

“Fundi i përsosur për pushimet tona … Si mundet që përgjigja të mos ishte po”, ka shkruar ajo në mbishkrimin e fotografive.

https://www.instagram.com/p/BpoticSAtCg

Kate ka publikuar tri fotografi të momentit magjik, ku ajo pranon propozimin nga i fejuari i saj, në prani të tre fëmijëve të tij: Lorenz, 12 vjeç, Tate, 10 vjeç, dhe Tia, shtatë vjeçe.

Imazhet mahnitëse u realizuan nga helikopteri, i cili edhe i ngjiti familjen në majë të ndërtesës.

Ndërkohë, edhe vet Rio publikoi në Instagram disa fotografi nga momenti i propozimit për fejesë, ku në mbishkrimin e tyre konfirmonte se ka marrë një “po” nga e dashura e tij.

“Ajo tha po. Si këta tre fëmijë e mbajtën këtë sekret, unë kurrë nuk do ta dijë”, ishin fjalët e tij.

https://www.instagram.com/p/BpotjFoB-eb

Rio filloi të takohet me Kate në fillim të vitit 2017, dy vjet pasi tragjikisht humbi gruan e tij Rebecca Ellison, 34 vjeç, pas një beteje të shkurtër me kancerin. /Telegrafi/