Kryeministri Edi Rama ka deklaruar gjatë paraqitjes së modeleve të rindërtimit për familjet e prekura nga tërmeti i 26 nëntorit, se të gjithë ata që kanë humbur banesat individuale, do të hyjnë në shtëpitë e reja, brenda këtij viti. Sa i takon atyre që kanë humbur apartamentet në pallate, Rama dha si afat fundin e vitit 2021.
“Pjesën dërrmuese 90-95%, do t’i kemi të ngritura dhe do të kalojnë vitin e ri aty. Sa i takon blloqeve ato janë më të komplikuara por besoj se të gjitha kantieret do të mund të ngrihen brenda këtij viti dhe brenda vitit 2021 do të kemi filluar të fusim një pjesë të madhe të banorëve në këto apartamente”, deklaroi z. Rama.
Kreu i qeverisë foli për transformimin e zonës së Thumanës dhe Laçit në zona turistike pas procesit të rindërtimit, por gjithashtu do t’i jepet ekonomisë së vendit një ritëm tjetër zhvillimi. Gjatë konferencës u paraqiten dhe modelet e shtëpive që do të ndërtohen për familjet që kanë humbur shtëpinë në fshat. Ministri i Rindërtimit, z. Ahmetaj tha se shumë shpejt do të hapet gara ndërkombëtare për kompanitë të cilat do të ndërtojnë banesat individuale.
“Mundësia e re që na është dhënë nga shuma prej 1.1 miliardë është një hapësirë e re fiskale. Kjo e kombinuar me OFL, sepse është një operacion kundër krimit por është me ndikim ekonomik të rëndësishëm për ta çliruar nga tentakulat bllokuese të krimit. Bashkë me një masë tjetër që nesër do ta prezantoj në kongres dhe disa masa të tjera shtesë, ne mendojnë dhe besojmë se do të kemi një situatë tjetër ekonomike, që do të çojë në një nivel tjetër tërësor”, tha z. Rama.
Gjatë kësaj konference, Kryeministri ka reaguar për herë të parë dhe për tubimin e thirrur nga Presidenti, Ilir Meta më 2 mars. “Presidenti e ka shtëpinë, ka më shumë se një shtëpi. Jam këtu për banorët që kanë humbur shtëpitë dhe janë në çadra. Jo vetëm në këtë konferencë por në të gjitha orët e mia të ditës dhe natës, nuk merrem me çështjen e Presidentit, është luks i madh për mua”, tha z. Rama.
Fillimisht, procesi i rindërtimit do të nisë për familje që jetojnë ende në çadra, që rezultojnë se janë më të prekura dhe që kanë më pak të ardhura. Ndërkohë sot është afati i fundit për banorët e prekur nga tërmeti për të aplikuar në platformën online për procesin e rindërtimit. Familjet nga një deri në dy anëtarë, përfiton një banesë deri në 70 metra katrorë.
Ministri i Rindërtimit, Arben Ahmetaj tha se procesi i rindërtimit nuk është proces kompensimi, por proces social për zgjidhjen e problemit të strehimit. Ahmetaj u shpreh se, familjet që kanë dy banesa nuk përfitojnë nga ky proces nëse nuk u janë dëmtuar të dy banesat.
Promo
Reklamo këtuLufta Prigozhin - Putin
Më shumëNga Rubrika
Për një muaj janë djegur mbi 400 hektarë sipërfaqe pyjore në Malin Sharr
“Mund të mbeteni pa patentë shofer” – pas Ligjit të ri policia apelon vozitësit që të respektojnë rregullat e trafikut
Britania e Madhe reagon për protestën para Bashkisë së Tiranës: Molotovi nuk ka vend në demokraci
Kurti ironizon me ushtrimet e ushtrisë serbe: Paraqesin ndotje të ajrit e tokës
Kurti përmendi Thaçin në 11 vjetorin e marrëveshjeve në Bruksel, reagon Çitaku: E di që po të mungon, duro dhe pak - dielli do të lind përsëri
SHBA-ja synon ta "fortifikojë" Ballkanin Perëndimor
Osmani: Do ta njoftojë qeverinë për sulmin në Banjskë, pastaj do të vendoset për Ballkanin e Hapur
Maqedonci ngre alarmin: Tensionet vazhdojnë, Serbia të mërkurën do të testojë dronë kamikazë në kufi me Kosovën
Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi