Rihanna dhe ASAP Rocky u shfaqën së bashku për herë të parë që nga arrestimi i tij i fundit gjatë një shëtitje në Los Angeles të shtunën (23 prill).
Reperi - emri i vërtetë i të cilit është Rakim Athelaston Mayers - u arrestua nga Departamenti i Policisë së Los Angeles më 20 Prill në lidhje me një të shtëna në nëntor 2021 në Hollywood.
Dyshja u panë dorë për dore në shëtitjen e tyre në mbrëmje, ku Rihanna shfaqi barkun e saj të rrumbullakosur me një palë sytjena të zeza dhe një palë pantallona të shkurtra me një detaj të ngushtë, shkruan DailyMail.
Këngëtarja 34-vjeçare ka veshur edhe një këmishë të bardhë të hapur për mbrëmjen, të cilën e shoqëroi me një xhaketë të zezë. Duke i shtuar shkëlqimin pamjes së saj me një palë taka të zeza.
Reperi kishte veshur edhe një rrip shumëngjyrësh së bashku me një bluzë gri dhe një palë atletet të zeza.
Dalja vjen menjëherë pasi Rihanna u tha se po fokusohej në shtatzëninë e saj mes arrestimit të fundit të të dashurit të saj.
Një burim i tha Us Weekly se këngëtarja e "Rude Boy" 'nuk ka folur shumë për arrestimin. Ajo është vërtet e përqendruar në shtatzëninë e saj dhe nuk përpiqet të jetë shumë e stresuar'.
I njëjti burim shtoi se ylli është i sigurt për një rezultat pozitiv: "Ajo është shumë e sigurt për gjithçka dhe u ka thënë miqve se shpreson vetëm për një rezultat pozitiv".
Rocky u mor në paraburgim menjëherë pasi ai dhe Rihanna u kthyen nga pushimet e tyre në Barbados të mërkurën, më 20 prill.
Artisti dërgoi garancinë e tij prej 550,000 dollarësh dhe u fotografua duke u liruar nga një burg në Los Anxhelos po atë ditë - vetëm disa orë pasi u arrestua. /Telegrafi/
