Revolucion nga FIFA: Kampionati Botëror i vitit 2026 do të ketë 104 ndeshje apo 40 përballje shtesë

FIFA do të miratojë një zgjerim të Kampionatit Botëror për meshkuj sot (e martë) me 40 ndeshje të tjera nga turneu i vitit 2026 në Amerikën e Veriut, raporton Sky News.

Vendimi për t’u rritur nga 64 në 104 ndeshje – në vend të 80 të planifikuara fillimisht në 2026 – do të merret në një takim të këshillit drejtues të trupit drejtues në Kigali të Ruandës.

Shtimi i ndeshjeve e ndihmon FIFA-n të ndjekë objektivin e saj prej më shumë se 12 miliardë euro në ardhura, por gjithashtu zgjidh çështjet e formatit të ngjarjes që bashkëorganizohet nga Shtetet e Bashkuara, Kanadaja dhe Meksika.

Lexo po ashtu Dyshime për keqpërdorime në Botërorin e Katarit, Infantino në mesin e të përgjuarve

FIFA tashmë kishte rënë dakord të zgjeronte turneun nga 32 në 48 ekipe.

Në vend që të ketë 16 grupe secili me tre ekipe, FIFA do të ketë 12 grupe secili me katër skuadra, shton më tej Sky Neës.

Dy skuadrat e para do të kalojnë në raundin e 32-të, me tetë skuadrat më të mira të vendit të tretë.

Lexo po ashtu FIFA planifikon të kthejë planin për të pasur grupe me tre ekipe në Kupën e Botës më 2026

Kjo do të thotë se skuadrat që arrijnë në finale tani do të duhet të luajnë tetë ndeshje, në vend të shtatë të luajtura nga finalistët e Katarit 2022, Argjentina dhe Franca.

Finalja në Shtetet e Bashkuara do të zhvillohet të dielën, më 19 korrik 2026.

Kuptohet se do të nevojiteshin 56 ditë për disponueshmërinë e lojtarëve para turneut dhe vetë Kupën e Botës – njësoj si tre Kampionatet Botërore përpara atij që u mbajt në Katar.

Lexo po ashtu Futbolli me rregulla të reja: Koha do të ndalet, portierët nuk mund të shpërqendrojnë lojtarët kur gjuajnë penallti

Shqetësimet për ngarkesën e lojtarëve do të trajtohen nga një grup i ri pune që Këshilli i FIFA-s do ta angazhojë.

Synimi është për një periudhë pushimi të detyrueshëm çdo sezon për lojtarët. FIFA parashikon të paktën dy ditë të plota ndërmjet çdo dy ndeshjesh dhe në mënyrë ideale 72 orë. /Telegrafi/