Renault Zoe nuk do të zëvendësohet me një gjeneratë tjetër

Renault Zoe, e lansuar për herë të parë në vitin 2012, nuk do të zëvendësohet më, e konfirmoi shefi i Renault, Fabrice Cambolive, ndërsa Zoe e “përfundon” jetën e saj si një nga veturat elektrike më të shitura në vendlindje.

Në vend të zëvendësimit, do të vazhdojë prodhimi i Renault Clio dhe Renault Captur në mënyrë që ato të vazhdojnë ta plotësojnë linjën e re kompakte të veturave elektrike të Renault, e cila kryesohet nga Renault 4 dhe 5 – vetura të cilat do të arrijnë në vitin 2025.

Cambolive këtë vendim për Autocar e përshkroi si një qasje e dyfishtë ku modelet e saj hibride dhe elektrike bashkekzistojnë për të ardhmen e parashikueshme, transmeton Telegrafi.

Ai tha: “gjithçka varet nga tregu. Nëse një treg është plotësisht elektrik, në rregull, por shumica e tregjeve do të kenë elektricitet të pastër për segmentin kompakt, dhe deri në vitin 2035, nëse nevojitet, do të kemi edhe Clio dhe Captur tërësisht elektrike”.

“Ato do të kenë teknologji hibride sepse kjo është zgjidhja jonë, zgjedhja teknologjike që bëmë për të zëvendësuar normalen e motorit me djegie”, vazhdoi tutje ai.

Vendimi për të hequr Zoe – i cili u shit gjithashtu si veturë elektrike hibride “plug-in” – i jep fund një jetëgjatësie prej më shumë se një dekade, gjatë së cilës ajo ishte vetura elektrike më e shitur në Evropë për dy vjet rresht 2015 dhe 2016 dhe arriti më shumë. se 100,000 shitje vetëm në Francë.

Një datë përfundimtare për përfundimin e prodhimit të tij ende nuk është konfirmuar. /Telegrafi/