Arsenali ka shënuar fitore edhe në “Santiago Bernabeu” ndaj Real Madridit, kësaj radhe me rezultat 2-1, për të kaluar në gjysmëfinale me rezultat të përgjithshëm prej 5-1. 

Mbretërit e nisën më mirë ndeshjen, duke rrezikuar të parët, por një gol i Kylian Mbappe, ishte nga pozita jashtë loje. 

Arsenali pastaj ka fituar penallti në minutën e 11-të pas rishikimit të VAR-it, ku Asensio pengoi Merinon në zonë. 

Bukayo Saka gjuajti nga pika e bardhë, por Thibaut Courtois ndali gjuajtjen e tij në minutën e 13-të. 

Pas disa minutash Real Madridi, fitoi penallti, por pas shikimit të VAR u anulua. 

Minutat e mbetur të pjesës së parë nuk sollën asgjë, ndërsa pjesa e dytë ishte më e zjarrtë.  

Arsenali kaloi në epërsi prej 1-0 me golin e Bukayo Saka shënoi në minutën e 65-të, që përfitoi pas një pasimi të Mikel Merinos. 

Por Real Madridi ka shënuar për 1-1 menjëherë në minutën e 67-të, me Vinicius Junior që realizoi, pas një gabimi të Salibas. 

Pa u mbyll ndeshja, Martinelli i dha goditjen e fundit mbretërve, me një gol të bukur në kohën shtesë për fitoren prej 2-1. 

Arsenali do të përballet me PSG-në në gjysmëfinale të Ligës së Kampionëve. /Telegrafi/  

Liga e KampionëveNdërkombëtareEkipetReal MadridSporte tjeraFutbollArsenalSport
telegrafi sport app