Reina dhe Biglia i thonë lamtumirë Higuainit: Po largohet një mik i madh

Lojtarët e Milanit, Pepe Reina dhe Lucas Biglia e kanë përshëndetur Gonzalo Higuain, i cili do të kalojë te Chelsea.  

Sulmuesi pritet të fluturojë për testet mjekësore te Chelsea, nesër (e mërkure) ose të enjten, duke ndërprerë huazimin e tij nga Juventusi te Milani që ishte për gjashtë muaj.

Ai është liruar, sepse do të vijë sulmuesi i Genoas,  Krzysztof Piatek, që nesër në mbrëmje pritet t’i kryejë testet mjekësore.

“I thashë lamtumirë Higuainit me një përqafim, është gjithmonë një moment i hidhur”, e pranoi Reina gjatë aktivitetit bamirës të kësaj mbrëmjeje në Milano.

“Për fat të keq, ky është futbolli. Unë po humbas një shok, por do ta mbaj një mik të madh”, deklaroi spanjolli.

Edhe mesfushori i Milanit, Biglia, që kaloi shumë kohë me Higuain edhe në ekipin kombëtar të Argjentinës e pranoi se sulmuesi po largohet.

Lexo po ashtu Higuain pritet të mbërrijë të martën në Londër për të finalizuar transferimin te Chelsea  

“Ka një ndjenjë të hidhur kur iu thua lamtumirë, pasi Pipita është mik”.

“Një tjetër lojtar do të arrijë, shpresojmë të bëhet një sulmues i madh . Ne duam të vazhdojmë të bëjmë mirë”, ka thënë Biglia.

Higuain do ta vazhdojë karrierën te Chelsea ku do të bashkohet me Maurizio Sarrin. /Telegrafi/