Regjisori i “Squid Game” humbi gjashtë dhëmbë gjatë xhirimeve të serisë për shkak të stresit

Regjisori i “Squid Game” Hwang Dong-hyuk ka folur për intensitetin e prodhimit të serisë, duke zbuluar se ai humbi dhëmbë të shumtë gjatë xhirimit të serialit.

Krijuesi i fenomenit Netflix ka shpjeguar sesi stresi i xhirimit të serialit u shfaq në një mënyrë shumë fizike, duke rezultuar që ai të humb gjashtë dhëmbë gjatë punës në xhirime.

“Në anën time të majtë, unë ende nuk kam dy molarë. Më duhet të bëj implant, por nuk kam pasur kohë”, tha ai në një intervistë me Shkollën e Filmit CNN këtë javë.

Përkundër madhësisë së prodhimit dhe ekstremitetit të përvojës, Hwag tregoi se ai nuk është fshirë plotësisht nga ideja për të bërë një sezon të dytë. Ai i siguroi fansat se ai ka marrë parasysh të ardhmen e “Squid Game”, veçanërisht pasi e la sezonin e parë kaq të hapur për një seri tjetër.

“Ka disa përfundime të lirshme që do të doja të eksploroja nëse do të bëja një sezon të dytë”, pranoi Hwang.

“E kaluara e pashpjegueshme e Frontmanit, historia e detektivit Jun-ho. Këto janë gjëra që nuk i shpjegova në Sezonin 1. Nëse do të bëja Sezonin 2, do të doja t’i shpjegoja ato elemente. Dhe njeriu me Ttakji në çantat e tij , njeriu që u luajt nga Gong Yoo”, tha tutje regjisori.

“Shkrimi, prodhimi dhe drejtimi i një seriali vetëm ishte me të vërtetë një detyrë kaq e madhe. Kur mendoj të bëj të njëjtën gjë për sezonin e dytë, personalisht jam disi i shqetësuar. Nuk ka asgjë të konfirmuar për momentin, por kaq shumë njerëz janë entuziastë saqë me të vërtetë po e mendoj atë”, u shpreh ai.

Ai gjithashtu pranoi popullaritetin dhe suksesin e madh të “Squid Game”, i cili tani ka arritur numrin një në Netflix në më shumë se 90 vende, sipas The Independent .

“Ndihem sikur jam bërë BTS”, tha drejtori për CNN, duke e krahasuar vëmendjen globale me atë të grupit k-pop të Koresë së Jugut.

“Është sikur kam krijuar një ekskluzivitet për Harry Potter ose Star Wars”, përfundoi regjisori. /Telegrafi/