Real Madridi thyen rekordin e klubit për trofe të fituar brenda një viti

Real Madridi ka vendosur një vit më të mirë në historinë e klubit pasi mori Kupën e Botës së Klubeve me një fitore të ngushtë mbi Gremio të shtunën.

Goli i vetëm i Cristiano Ronaldos nga goditja e lirë ishte i mjaftueshëm për të shënuar një fitore 1-0 për skuadrën spanjolle, e cila e kishte mposhtur Al Jazira 2-1 në gjysmëfinale.

Gremio u mbrojt ashpër, por tregoi pak prirje për të sulmuar kundërshtarët e tyre të shquar, edhe pas golit të pranuar në pjesën e dytë.

Kjo qasje e ndrojtur i lejoi Real Madridit të lundronte drejt fitores në finale dhe në këtë proces të bënte histori për trofe të fituar.

Trofeu i Kupës së Botës për Klube është trofeu i pestë që Zinedine Zidane e ka fituar në vitin 2017, një numër trofesh që klubi kurrë nuk ka arritur më parë.

La Liga ishte gara e parë që binte në duart e Zidanes këtë vit, dhe u pasua nga fitorja ndaj Juventusit në finale të Ligën e Kampionëve.

Triumfet e mëtejshme në Superkupën e UEFA-s dhe atë të Spanjës e rritën numrin e trofeve në katër, ndërsa Ronaldo dhe kompania e tij përfunduan ‘Manita-n’ sot (e shtunë) me titullin botëror për klube.

Mbretërit gjithashtu u bënë skuadra e parë në historinë e klubeve që fiton dy herë radhazi Kupën e Botës për Klube, dhe barazoi Barcelonën për numrin e fitoreve të përgjithshme në këtë garën, me tre gjithsej.

Që nga viti 1992 dhe 1993 i San Paolos të Tele Santanas (në formatin e mëparshëm të Kupës Interkontinentale) nuk kishte një ekip që u shpall kampion i botës për dy vjet, një dallim i arritur edhe nga Santosi i Peles (1962 dhe 1963), Interi i Helenio Herrera (1964/65) dhe Milani nën drejtimin e Arrigo Sacchi (1989-90). /Telegrafi/