Sport Futboll Ndërkombëtare

Real Madridi beson se bashkimi i Haaland dhe Mbappe është i mundur

Para 3 vitesh

Erling Haaland dëshiron të luajë në La Liga. Thashethemet e fundit që qarkullojnë rreth sulmuesit sugjerojnë se Spanja është hapi i tij i ardhshëm, pavarësisht dëshirave të babait të tij për ta çuar atë në Ligën Premier. Real Madrid dhe Barcelona, kanë marrë një nxitje në ndjekjen e tyre për norvegjezin dhe e vetmja gjë që mungon tani është angazhimi i agjentit të tij Mino Raiola në bisedime.

Gjithçka tani sugjeron se dy klubet më të mëdha të Spanjës do të ‘luftojnë’ me shpresën për të nënshkruar me sulmuesin, megjithëse Javier Tebas beson se është një luftë e pabarabartë në rrethanat aktuale.

“Real Madridi ka kapacitetin për të nënshkruar me Mbappe dhe Haaland”, ka thënë kryetari i La Ligas-, Tebas.

Joan Laporta do të bëjë çmos që Raiola të vendosë lëvizjen e Haaland në akull, në mënyrë që Barcelona të rikuperohet financiarisht dhe të jetë në një pozicion më të fortë për të konkurruar me Real Madridin pas një viti ose 18 muajsh. Real Madrid, megjithatë, ka një marrëdhënie të shkëlqyer me klubin gjerman.

Drejtori i Dortmundit, Watzke kohëve të fundit njohu interesin e Real Madridit për Haaland dhe tha se sulmuesi ka më shumë gjasa të transferohet në Spanjë sesa në Angli. Watzke është gjithashtu një mik i mirë i Florentino Perez.

Marrëveshja e Haaland me Dortmundin ka një klauzolë që në verë do të bëhej 75 milionë euro për ta liruar atë nga klubi, megjithëse komisioni i Raiolas do t’i shtohej këtij totali.

Real Madridi e ka të qartë se shpenzimet e tyre për sezonin e ardhshëm do të jenë në sulm, me Mbappe dhe Haaland në shënjestër. Francezi është një objektiv për një transferim të lirë, që do të thotë se ata mund të vënë më shumë para për tarifat e Raiolas dhe kostot e tjera për të bërë që edhe Haaland të nënshkruajë.

Sipas gazetës Marca, Raiola më herët në vitin 2021 ka thënë se po punon për të bërë një marrëveshje të madhe me Real Madridin. Ai dëshiron të pajtohet me një lëvizje të madhe me Los Blancos dhe Haaland i jep atij atë mundësi.

Raiola bëri udhëtimin në Madrid pranverën e kaluar me Alf-Inge Haaland në mini-turin e tyre evropian dhe ata vizituan Valdebebas duke biseduar me klubin pasi kishin vizituar Barcelonën më herët gjatë ditës.

Planet e ardhshme

Haaland dëshiron t’i bashkohet një projekti fitues, ai dëshiron të drejtojë një ekip që po lufton për tituj në të gjitha frontet, gjë që nuk e ka bërë në Dortmund. Ai fillimisht hezitoi të ndante qendrën e vëmendjes, megjithëse tani e di se duhet të luajë përkrah lojtarëve të mëdhenj dhe e njeh Mbappen dhe lojtarë të tjerë të Real Madridit si të tillë. Në Barcelonë, megjithatë, ka më pak siguri.

Haaland dhe Mbappe së bashku do të vidhnin titujt dhe do të dominonin faqet e gazetave dhe do të kërkonin mbulim. E ardhmja e këtyre dy yjeve të rinj mund të jetë fare mirë te Real Madrid dhe Mbappe duket se ka më shumë gjasa të veshë fanellën e Los Blancos sezonin e ardhshëm. Haaland, nga ana e tij, pritet të luajë në njërën anë të El Clasicos.

Drejtuesit e mëdhenj të Real Madridit kanë besim se do t’u garantohet suksesi për një dekadë nëse mund të nënshkruajnë të dy sulmuesit.

Megjithatë, nuk mund të harrohet se Karim Benzema është ende në klub dhe ai ka qenë një lojtar jashtëzakonisht i rëndësishëm për më shumë se një dekadë, por më shumë që nga largimi i Cristiano Ronaldos në vitin 2018. /Telegrafi/