Reagojnë ambasadat: Kërkesat për mbështetje të PSP-së nuk janë të paarsyeshme

Ambasada e SHBA-së në Maqedoni i inkurajon partitë politike që tu përmbahen detyrimeve të marra përsipër me nënshkrimin e Marrëveshjes së Përzhinos që nga 20 korriku, dhe kjo, sipas ambasadës, duke përfshirë përkrahjen e punës së Prokurorisë Special Publike, përcjell Telegrafi Maqedoni.

Nga Ambasada thonë se kërkesat e PSP-së për mbështetje për hetim të plotë dhe të pavarur janë të arsyeshme.

“Ne i inkurajojmë të gjitha partitë të mbështesin obligimet e ndërmarra sipa Marrëveshjes së Përzhinos më 20 korrik, e cila duhet të sigurojë zgjedhje të besueshme, punë pa pengesa të Prokurorisë Speciale Publike, dhe vëzhguesit e pavarur të mediave. Vendosja e përgjegjësisë për përgjimet e paautorizuar dhe akuzat për shpërdorim të detyrës janë thelbësore për dalje nga kriza politike në të cilën është Maqedonia. Ne besojmë se kërkesat e PSP për mbështetje të hetimit të plotë dhe të pavarur janë të arsyeshme”, thuhet në reagimin e ambasadës.

Reagime të ngjashme ka pasur edhe nga Delegacioni i BE-së në Shkup dhe Ambasadës së Holandës. Nga Delegacioni i BE-së, thonë se për rolin e PSP-së ranë dakord të gjitha palët si pjesë e Përzhinos dhe të njëjtit kanë mbështetur në mënyrë të përsëritur angazhimin e PSP-së.

“BE-ja i inkurajon të gjithë që të veprojnë në përputhje me detyrat e tyre dhe rëndësinë e përgjegjësisë”, thonë nga delegacioni i BE-së në Shkup.

Ambasada holandeze tha se PSP luan një rol kyç në për daljen e vendit nga kriza politike dhe se është e nevojshme për mbështetje të vazhdueshme nga të gjitha partitë e përfshira, që PSP të jetë në gjendje të përmbushë misionin e saj. /Telegrafi/