Reagime ndaj deklaratave të Josep Borrellit: Të njëanshme dhe po nxisin tensione

Deklarata e shefit të Politikës së Jashtme të Bashkimit Evropian, Josep Borrell lidhur me arrestimet e serbëve në veri të dyshuar për sulme gjatë protestave të dhunshme, ka nxitur reagime të shumta në opinion.

Borrell të premten në profilin e tij zyrtar në Twitter, ka shkruar se është i shqetësuar nga arrestimet në veri, duke shtuar më tej se këto arrestime janë të jashtëligjshme, transmeton Telegrafi.

Very alarmed by situation in north of Kosovo: extrajudicial arrests of K-Serbs & Kosovo Security Forces marching in South Mitrovica; followed by heavy rhetoric from Serbia.

Despite yesterday’s crisis meeting, escalation continues & is becoming dangerous. We will not tolerate it.

— Josep Borrell Fontelles (@JosepBorrellF) June 23, 2023

Reagimi i Josep Borrell po konsiderohet si i njëanshëm nga njohësit e politikës, ndërsa ministrja e Punëve të Jashtme të Kosovës, Donika Gërvalla ka shtruar pyetje nëse BE po bën thirrje që mos të ndëshkohen ata që sulmuan ushtarët e NATO-s?

“Policia ka prova të qarta se personi i arrestuar sot ka marrë pjesë në sulmin kundër NATO-s më 29 maj. Arrestimi është bërë në bazë të nenit 71 të Kodit të Procedurës Penale të Kosovës, kështu që nuk ka asgjë jashtëgjyqësore”, thuhet në reagimin e ministres.

Is the EU calling for impunity for those who attacked NATO?

The police has clear evidence that the person arrested today participated in attack against NATO on 29 May.

The arrest took place based on Art.71 of Kosovo’s Criminal Procedure Code so there’s nothing extra-judicial. https://t.co/LSqvIHrvf0

— Donika Gërvalla-Schwarz (@gervallaschwarz) June 23, 2023

Ndërkaq, njohësi i proceseve politike, Jusuf Thaçi e ka quajtur skandaloze deklartën e Josep Borrell.

“Policia e Kosovës po arreston të dyshuar për sulme ndaj KFOR-it, ndaj Policisë dhe ndaj gazetarëve, për të cilët ka fakte e prova të forta (foto e video). Arrestimet po bëhen në përputhje me të gjitha procedurat ligjore. Në anën tjetër, FSK-ja po parakalon në territorin e Kosovës, pra në vendin e vet. Ku e ka hallin z. Borell? Çka nuk do të tolerojë ai? Arrestimin e kriminelëve? Parakalimin e FSK-së brenda Kosovës?”,  ka shkruar Thaçi.

Tutje, ai ka shtuar që shpreson se “ky qëndrim i z. Borell nuk është edhe qëndrim i BE-së! Nëse po, atëherë Kosova duhet të tërhiqet urgjentisht nga i ashtu-quajturi dialog i ndërmjetësuar nga BE”, thekson ai.

Për deklaratën e Borrell, ka reaguar edhe drejtori ekzekutiv i Grupit Ballkanik për hulumtimin e politikave, Naim Rashiti,

Rashiti thotë se askush më shumë se Josep Borrell nuk po nxit tensionet mes Kosovës dhe Serbisë.

“Çdo gjë që ai bën dhe thotë më tej çon drejt një konflikti. Shumë zyrtarë me bazë në Bruksel nuk mund të thonë publikisht zhgënjimin që kanë për të dhe ekipin e tij”, ka thënë Rashiti.

No one more than @JosepBorrellF fuels the tensions between Kosovo and Serbia. Everything he does and says further leads toward a conflict. Many Brussels-based officials can’t say publicly their deep disappointment and frustration with him and his team.

— Naim Rashiti (@naimrashiti) June 23, 2023

Krahas zhvillimeve të fundit në veri, Policia e Kosovës gjatë këtyre ditëve ka arrestuar edhe disa serbë, si të dyshuar për sulme ndaj ushtarëve të KFOR-it.

Serbët lokalë që nga data 26 maj kanë organizuar protesta kundër kryetarëve të rinj shqiptar në katër komunat veriore, në disa prej protestave ata kanë sulmuar ushtarët e KFOR-it, Policinë e Kosovës, dhe ekipet e mediave.

Thirrje për qetësimin e situatës kanë bërë Bashkimi Evropian dhe SHBA. /Telegrafi/