Rashica në dyshim ndaj Bjellorusisë, vendimi do të merret kur të mësohet disponueshmëria

Të hënën mbrëma, Kosova është mysafire e Bjellorusisë në ndeshjen e xhiros së katërt të fazës kualifikuese për ‘Euro 2024’.

Për shkak të sanksioneve, skuadra nikoqire nuk mund t’i luajë takimet si vendas dhe derisa sfidat tjera i ka zhvilluar në Serbi, ndaj Dardanëve do të luajë në Budapest të Hungarisë, po ashtu pa tifozë.

Lexo po ashtu Fazliji: Kosova është në garë për t’u kualifikuar në ‘Euro 2024’

Në konferencën për shtyp para ndeshjes, trajneri Alain Giresse e ka bërë të qartë të zgjedhurit e tij do të luajnë për pikë të plota, ndërsa është pyetur edhe në lidhje me gjendjen e disa prej futbollistëve.

Milot Rashica është në dyshim për këtë sfidë, ndërsa përzgjedhësi ka theksuar se akoma nuk e kemi të qartë nëse ai do të jetë në dispozicion të hënën mbrëma.

“Vendimi do të merret në momentin kur të kuptohet nëse do të jetë në gjendje të luajë apo jo”, ka qartësuar Giresse.

Lexo po ashtu Kosova me objektiv të qartë ndaj Bjellorusisë

Sa i përket Mirlind Kryeziut, trajneri ka thënë se ai është në dispozicion të skuadrës dhe mund të përfshihet në ekip në takimin e radhës. Njëherësh, përzgjedhësi ka theksuar se Ermal Krasniqi është pjesë e planeve të tij.

Kosova ka tri pikë nga tri barazime në po aq ndeshje të zhvilluara në Grupin I, derisa Bjellorusia i ka të gjitha humbje. /Telegrafi/