Rama reagon për konfliktin në Gaza: T’i jepet fund përpara se të dalë jashtë kontrollit

Kryeministri i Shqipërisë, Edi Rama u shpreh shumë i shqetësuar për vuajtjet e civilëve dhe shkatërrimin në Gaza, ndërkohë që bëri thirrje që t’i jepet fund këtij konflikti përpara se ai të përshkallëzohet më tej dhe të dalë jashtë kontrollit.

”Ndërsa qëndrojmë me vendosmëri krah Izraelit kundër Hamasit, ne jemi gjithashtu shumë të shqetësuar për vuajtjet e civilëve dhe shkatërrimin në Gaza. Është thelbësore t’i jepet fund këtij konflikti përpara se ai të përshkallëzohet më tej dhe të dalë jashtë kontrollit”, shkruan Rama në një postim në platformën X.

”Shqipëria mbështet thirrjen e presidentit Biden për një pauzë humanitare në konflikt. Në këmbim të një armëpushimi të menjëhershëm, Liga Arabe dhe Turqia duhet të sigurojnë lirimin e pakushtëzuar dhe të sigurt të të gjithë pengjeve të mbajtura nga Hamasi”, shton ai.

”Pas krimeve të tmerrshme të kryera më 7 tetor, nuk mund të ketë të ardhme politike për Hamasin. Sipas një mandati të OKB-së, një forcë ndërkombëtare e udhëhequr nga Liga Arabe mund të marrë përkohësisht kontrollin e Gazës duke lehtësuar një kalim të përgjegjësive qeverisëse nga Hamasi te Autoriteti Palestinez”, shkruan Rama.

”Së shpejti do të bashkohem me liderët e tjerë botërorë në Forumin e Paqes në Paris, ku do të diskutojmë mënyrat për rivendosjen e paqes në Lindjen e Mesme”, përfundon reagimin e tij në X kryeministri Edi Rama. /Telegrafi/

While we firmly stand with Israel against Hamas, we are also very concerned about the suffering of civilians and the destruction in Gaza. It is crucial to end this conflict before it escalates further and spirals out of control. Albania supports President Biden’s call for a…

— Edi Rama (@ediramaal) November 6, 2023