Qytetarët kujtojnë torturat e vitit 1992 në ‘Bit Pazar’ (Video)

Edhe pas 24 viteve, shqiptarët e Shkupit nuk mund të harrojnë vrasjet, torturën dhe bastisjet të cilat policia e shtetit ua ka bërë në vitin 1992, të cilat mbahen mend si ngjarjet e Bit Patzarit. Nën udhëheqjen e Qeverisë LSDM-PPD, kryeministër i së cilës ishte edhe vet ish-kryetari i LSDM-së Branko Cërvenkovski dhe ministër i brendshëm Ljubomir Fërçkovski, njësiti special i Policisë ndërhyri me dhunë në protestën, në të cilën shqiptarët e Bit Pazarit u ngritën për shkak të torturës që policia shkaktoi tek një fëmijë i mitur shqiptar, shkruan Tv Shenja.

Viktimat e kësaj ngjarje edhe sot e kësaj dite kujtojnë me trishtim momentet e përjetuara. Ismail Murtezi nga Gazi Baba, është njëri nga të arrestuarit. Ai ka treguar se atë ditë ka qenë në punë në Fabrikën e Lëkurës, dhe pasi ka përfunduar turnin e dytë, me kolegën me autobus është nisur për në shtëpi. Por, autobusi e ka lënë në lagjen e Autokomandës, pasi rruga në Bit Pazar ka qenë e bllokuar. Zotëri Ismaili tregon se policët në fillim kanë ndaluar qytetar tjerë maqedonas të cilët i kanë lëshuar ndërsa atë me dy shkokët e kanë arrestuar.

“Tek autolarja menjëherë u lajmëruan katër transportera, deri tek ura shkuan, dy vazhduan dy u ndalën, u çeklën dyert. Dy transportera kan qenë ka 10, 20 polic special u rreshtuasn dhe nisën të vijnë ka ne. Të patrin hov i ndaluan ato dhe u treguan që këndej skeni tëp drejtë. Tek ambulanta, kaloni ambulantën, tek saahat kulla dhe këndej skeni te drejtë”, deklaroi Ismail Murtezi.

Zotëri Ismaili flet edhe për torturën psiqike dhe fizike që ka ushtruar policia ndaj tij dhe të arrestuarve të tjerë të pafajshëm.

“48 orë kam qenë pa bukë pa ujë, plus malltretim, qotek po, më mshonte në veshka. ‘Shto barate shto sakate’, çajo ka qenë, sikur gjithmonë që jemi të torturuar si popull, ne na malltretojnë në ato baza edhe pa pasur faj”, tha Murtezi.

Policët kanë ushtruar dhunë pa pasur arsye thotë zotëri Ismaili, ndërsa potencon se vazhdimisht kanë kërkuar gjoja ndonjë video xhirim se si forcat policore kanë rrahur një fëmijë të pafajshëm.

“Keni pasur inçizim, keni inçizuar ne qysh e kena rreh djalin ku është ajo? Malltretim e qotek derisa i çoshin në shok-dhomë i kanë çuar njerëzit. Të çarë në sallë kur i shohë të drejtë. E atëherë thom paska dasht zotit na kurtalisi neve se prej 250 më pak qotek, edhe pse kam pas qotek, sepse ma mshoshin këtu në bubrek, a unë prej ndrrimi të dytë e kam ngrën prej në ora 5 e më deri në 5 deri të nesërmen dhe të thot merre shkruj izjavën se nuk e ke shkrujt mirë, ndërsa ai tjetri të mshon”, shtoi më tej Murtezi.

Në ngjarjet e Bit Pazarit në vitin 1992 u arrestuan dhe u torturuan rreth 250 shqiptarë, u bastisën shtëpi të lagjeve Gazibabë dhe Serovë, e u demoluan lokalet në Çarshi, ndërsa katër persona u vranë nga policia dhe 14 të tjerë mbetën me lëndime të rënda. Edhe sot e kësaj dite nuk duhet arsyeja e saktë e aksionit policor, e cila në atë kohë udhëhiqej nga qeveria e LSDM-së. /Telegrafi/