Qendra Klinike Unviersitare e Kosovës ka njoftuar se ka nevojë urgjente për së paku 100 infermierë, ndërsa në total edhe 600 infermierë i nevojiten këtij institucioni për të plotësuar nevojat e klinikave.
Në takimin e drejtorit të Shërbimit Spitalor të Klinikave Universitare të Kosovës (SHSKUK), Curr Gjocaj me drejtorët e klinikave dhe instituteve, është paraqitur kërkesa për nevojën e një numri të infermierëve.
“Drejtori i përgjithshëm i SHSKUK-së, dr. Curr Gjocaj, ka mbajtur takim pune me drejtorët e klinikave, instituteve dhe shërbimeve të QKUK-së. Ai ka njoftuar drejtorët në lidhje me konkursin e realizuar së fundmi për pranimin e specialistëve të papunë, duke kërkuar nga drejtorët e klinikave që të bëjnë sistemimin e tyre sipas nevojës që kanë repartet e ndryshme në QKUK”, thuhet në njoftimin e kësaj qendre.
Duke u përgjigjur në shqetësimet e klinikave në lidhje me mungesën e infermierëve Gjocaj, shpjegoi se nevojat urgjente janë për 100 infermierë/e, nevojat sipas kërkesave 200, 300 sipas standardeve të kërkuara, në total 600 infermierë/e, por kjo sipas tij nuk po mund të ndodhë për shkak të kufizimeve buxhetore, edhe pse SHSKUK, ka përcjellë kërkesat tek gjitha ministritë kompetente dhe instancat tjera vendimmarrëse.
“Lidhur me aparaturat mjekësore, drejtori i përgjithshëm njoftoi se janë në pritje të realizimit të kërkesave mbi 50 milionë euro vetëm për QKUK, 65 milionë për tërë SHSKUK, përfshirë edhe Spitalet e Përgjithshme.
Ai njoftoi se muajin tjetër do vijë një ekip- mision ndërkombëtar për të bërë fizibilitetin e nevojave dhe për të parë nga afër gjendjen e pajisjeve.
Ndërkohë, përmes donatorëve të ndryshëm apo kredive që pritet t’i gjej MSH dhe Qeveria pritet që ato të sigurohen viteve të ardhshme”, thuhet tutje.
Në takim, u kërkua nga klinikat që të jenë shumë efikase në konsultime specialistike dhe punë të tjera profesionale që janë obligim nga institucionet shëndetësore.
U rikërkua që të respektohen të gjitha urdhëresat e punës dhe rregulloret e brendshme, të rritet disiplina dhe efikasiteti në punë.
Drejtori Gjocaj, njoftoi se së shpejti pritet të bëhet digjitalizimi i hyrje-daljeve në klinika, po ashtu rampave hyrëse, ku kjo do të ndihmoj edhe monitorimin orarit të punës.
Drejtori i klinikës së Onkologjisë, kërkoi që të shihet mundësia e funksionalizimit 24-orë në Institutin e Onkologjisë.
Në përgjigje të kërkesës së tij, drejtori Gjocaj, shpjegoi se është pro kësaj kërkese, mirëpo në mungesë të stafit të mesëm për momentin nuk mund të ndodhë kjo, edhe pse staf të mjekëve specialistë ka në disponim kjo klinikë.
Drejtori i Klinikës së Anestezionit dhe Klinikës Infektive, shprehen shqetësimin se shumë raste pas përkeqësimit të gjendjes shëndetësore, sillen nga klinikat private në QKUK, pa u kompensuar fare klinikat edhe pse puna kryhet në mënyrë profesionale.
Drejtori i Klinikës Emergjente, kërkoi të formohen grupe punues dhe të planifikohet stafi dhe pajisjet e nevojshme diagnostiko për objektin e ri të emergjencës i cili është në ndërtim e sipër.
Në takim u diskutua edhe për projektet e reja që janë në proces të realizimit, si objekti i ri Ortopedisë dhe vendimi i Gjykatës në lidhje me barasvlerësimin e specializimeve, për të cilin drejtori Gjocaj tha se i ka shkruar Ministrisë së Shëndetësisë.
Në takim u diskutuan edhe shumë çështje të tjera që ndërlidhen me punën profesionale dhe menaxheriale të klinikave, instituteve dhe shërbimeve të QKUK-së. /21Media/
Promo
Reklamo këtuLufta Prigozhin - Putin
Më shumëNga Rubrika
Molliqaj për raportin e “Reporterëve pa Kufij”: Partia në pushtet sponsorizon ligje që duan kontrollim të mediave
“Jetimat e Ballkanit” dhe Komuna ndërtojnë qendrën për qëndrim ditor të moshuarve në Gjilan
Policia në Prizren shqipton 42 gjoba dhe konfiskon 14 motoçikleta
Një milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
25 vjet burgim për Enver Sekiraqën
Human Rights Network dënon sulmin e ministrit Murati ndaj mediave dhe shoqërisë civile
Vendosja e kamerave të sigurisë në veri, Elshani: Do të krijojmë një klimë të sigurisë më të madhe te qytetarët
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe