Qindra mijëra protestues në rrugët e Algjerisë, policia përdori edhe plumba të gomës dhe gaz lotsjellës (Video)

Qindra mijëra njerëz kanë dalë në rrugë në Algjeri për të kërkuar dorëheqjen e Presidentit Abdelaziz Bouteflika.

Madje, sipas BBC, përcjell Telegrafi, vlerësimet thonë se turmat në kryeqytet, Algjer, arritën një milion.

Kjo është e premtja e gjashtë e njëpasnjëshme e protestave masive anti-qeveritare në vend.

#Algeria ??: another Friday, another day of mass protests. The streets of the capital #Algiers are filled with protesters demanding the downfall of the Algerian regime.#حراك_29_مارس pic.twitter.com/4FOhbQqs9c

— Thomas van Linge (@ThomasVLinge) March 29, 2019

Ndryshe, më parë këtë javë një gjeneral i përgjithshëm i ushtrisë, gjenerali Ahmed Gaed Salah, kërkoi që pozita e presidentit të mbetet vakante.

Por partitë opozitare në Algjeri thanë se nuk do të garantojë zgjedhje të lira.

Ndërkohë bëhet e ditur se policia algjeriane gjuajti gaz lotsjellës dhe plumba të gomës në drejtim të turmës, ndërsa ata u përpoqën të arrinin presidencën.

Por çfarë duan protestuesit?

Demonstratat kundër z. Bouteflika filluan muajin e kaluar pasi presidenti, i cili rrallë herë është parë në publik pasi që vuajti një sulm në vitin 2013, njoftoi se do të qëndronte për një mandat tjetër.

#Algeria: Water Cannon seen used against peaceful protesters today.

This is week 6 of protests to end Bouteflika’s rule. Video: pic.twitter.com/HcS6Ec2XHQ

— Joyce Karam (@Joyce_Karam) March 29, 2019

Në përgjigje, presidenti ra dakord të mos qëndrojë për një mandat të pestë në zgjedhjet e ardhshme, të cilat janë shtyrë.

Megjithatë, masa nuk u prit mirë nga protestuesit, të cilët thanë se vendimi i tij për të mos kandiduar ishte një lëvizje cinike për të zgjatur sundimin e tij 20-vjeçar.

Tani ata po bëjnë thirrje për largimin e presidentit dhe gjithashtu një gjeneratë të tërë të udhëheqësve politikë algjerianë. /Telegrafi/