LAJMI I FUNDIT:

Qeveria rrënon objektet ilegale, ekspertët e quajnë “aktrim”

Qeveria rrënon objektet ilegale, ekspertët e quajnë “aktrim”

Qeveria e Maqedonisë së Veriut punën e ka nisur me miratimin e një vendimi për rrënimin e një objekti ilegal në Shkup, që po shembet tani dy ditë nga ndërmarrja kompetente shtetërore.

Vendimi u mor pas presioneve të shumta në opinion lidhur me këtë objekt dhe mosreagimit të Komunës së Çairit ku graviton objekti që shërbente si kafene.

“Shembulli i djeshëm me fillimin e prishjes së ndërtimit pa leje në Shkup, nënkupton dekurajimin e qytetarëve për të bërë ndërtime pa leje. Nuk është mirë që ne t’i vendosim në pozitë të pabarabartë ata që i respektojnë ligjet apo ata që paguajnë, marrin pjesë në zhvillimin e komunave dhe vetë shoqërisë”, ka deklaruar kryetari i Shkupit, Petre Shilegov.

Sipas të dhënave të Entit të Statistikës, vetëm gjatë vitit 2019 në Maqedoninë e Veriut, janë ndërtuar 866 ndërtime ilegale, prej tyre vetëm se në Shkup janë 153 objekte. Rreth 900 ndërtime ilegale janë ngritur në vitin 2018 dhe 750 në vitin 2017.

Drejtuesit e qeverisë në vazhdimësi kanë premtuar përballje me ndërtimet ilegale apo “mafien urbane”, siç e quajnë ndryshe, dhe aktiviteteve informale në sferën e ndërtimtarisë.

Duke komentuar aksionin e qeverisë, ekspertët dyshojnë nëse aksionet e tilla do të vazhdojnë pasi, siç thonë, zotime të tilla ka pasur edhe në të kaluarën, ndërsa vendimi i fundit thonë se më tepër është “teatër” dhe i miratuar nga presioni i medias dhe opinionit.

“Kjo na bën neve të dyshojmë nëse kjo qeveri e ka me sinqeritet nisjen e rrënimit të objekteve pa leje. Ne duhet të besojmë në zbatimin e ligjit, mirëpo duke marrë parasysh përvojën, kjo më duket vetëm se një ‘aktrim’ nga ana e qeverisë dhe tërheqje e vëmendjes se ja kjo qeveri do të vazhdojë të zbatojë ligjin në gjithë territorin e vendit”, thotë për Radion Evropa e Lirë, Arif Musa, njohës i çështjeve antikorrupsion.

Ai thotë se nëse nuk ndërmerren masa serioze për shembjen edhe të ndërtimeve tjera pa leje, vendimi i qeverisë jo vetëm që nuk do të ketë peshë, por, siç thekson Musa, edhe do të demaskojë qëllimin e saj aktrues.

“Gjithçka që ka të bëjë me parregullsi, me mungesë të dokumentacionit, posaçërisht të objekteve, të mos flasim për gjëra të tjera, duhet të merren masa dhe të rregullohen. Atje ku ka kushte, objektet mund të legalizohen, kurse aty ku nuk ka kushte, ato duhet të rrënohen. Edhe objekti që është rrënuar, është ngritur në periudhën zgjedhore, andaj edhe nuk duhej të pritej deri tani për ta rrënuar, por duhej të merreshin masa paraprake”, ka deklaruar ai.

Edhe nga Komisioni Shtetëror për Parandalimin e Korrupsionit thonë se institucionet duhet të respektojnë ligjin, si domosdoshmëri për vendosjen e rendit edhe në sferën e ndërtimtarisë.

“Respektimi i ligjit është pasqyrë e një shteti demokratik. Ndërtimet e paligjshme janë bërë përditshmëri e jona, andaj njerëzit janë të etur për drejtësi dhe kur diçka e tillë ndodh për herë të parë, ata e presim me admirim. Fakt është se ndërtimet ilegale janë një problem i madh dhe ne duhet të merremi me këtë problem”, tha kryetarja e komisionit Biljana Ivanovska. /REL/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Lajçak me post të ri nga shtatori

Lajçak me post të ri nga shtatori

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Dyshohet se ishte duke u përgatitur për ta kryer një vrasje, arrestohet i dyshuari në Pejë

Dyshohet se ishte duke u përgatitur për ta kryer një vrasje, arrestohet i dyshuari në Pejë

Kronika e Zezë
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori