Qëndroi vetëm një vit te Barcelona, por ishte i pamëshirshëm për kundërshtarët – shijoni 47 golat e fenomenit me fanellën e katalunasve

Adhuruesit e vjetër të Barcelonës ende vazhdojnë ta kujtojnë me mall brazilianin Ronaldo.

Legjenda braziliane qëndroi vetëm një vit në Camp Nou, kur Barcelona e transferoi në vitin 1996 nga PSV Eindhoven për 15 milionë euro.

Por në vitin e tij të vetëm në kataluni, Ronaldo shkëlqeu duke treguar se është një nga sulmuesit më të mirë të të gjitha kohërave.

Ronaldo shënoi 47 gola me Barcelonën, ku 34 nga ta ishin në La Liga derisa kontribuoi me shtatë asistime atë sezon.

Fenomeni ishte i pamëshirshëm për mbrojtjet dhe portierët kundërshtarë, pasi shënonte thuajse në çdo takim.

Në atë vit Ronaldo kishte arritur të shënonte tre ‘Het-Trik’-a me fanellën Barçës, ku ‘viktimat’ e tij ishin Valencia, Atletico Madrid dhe Real Zaragoza.

Falë paraqitjeve fantastike me fanellën e Barcelonës, Ronaldo në vitin 1997 e fitoi Topin e Artë edhe pse atë e ngriti në San Siro.

Edhe pse shkëlqeu me Barcelonën, Ronaldo nuk u ndje i vlerësuar sa duhet te kataluansit dhe pas një viti u largua në drejtim të Interit për 28 milionë euro.

Në videon e mëposhtme mund t’i shijoni të gjithë golat e legjendës braziliane me fanellën e Barcelonës. /Telegrafi/