Pyetet se çfarë do të bënte me paratë nëse do fitonte BBV, Arjola Demiri: Do blija një shtëpi për veten dhe fëmijët e mi

Që kur ka hyrë në shtëpinë e Big Brother VIP, aktorja Arjola Demiri e ka bërë të ditur qëllimin e saj.

Ajo ka treguar se fëmijët janë arsyeja e vetme pse i është futur kësaj sfide, duke potencuar se çmimi i madh i fitores është shumë i volitshëm për t’i ofruar asaj dhe fëmijëve të saj një të ardhme më të mirë.

Kjo fjali e aktores u theksua edhe një herë në spektaklin e së premtes në Big Brother VIP.

Kur gjatë programit u transmetua ajo se çfarë banorët kishin thënë gjatë javës në lojën e sinqeritit, një nga pyetjet që i ishte drejtuar Arjolës kishte qenë pyetja: “Çfarë do të bësh me paratë e çmimit nëse fiton Big Brother VIP?”.

Lexo po ashtu Të gjitha lajmet nga Big Brother VIP

Përgjigja e aktores tropojanë ka qenë e shpejtë dhe e prerë, duke thënë se me paratë e çmimit të madh, do t’iu blinte fëmijëve të saj dhe vetes një shtëpi.

Përndryshe, banorët VIP të këtij edicioni të Big Brother, luftojnë për çmimi ne parë, vlera e së cilit këtë vit është 100 mijë euro. /Telegrafi/

(Video, minuta 4:35)

* BIG Brother VIP Albania mund ta ndiqni ekskluzivisht në platformën IPKO, në dy kanale HD, të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 30 dhe 31 në listën e kanaleve, si dhe përmbledhjen javore në kanalin TOP Channel.