Putini mori një paralajmërim nga kreu i inteligjencës ushtarake të Ukrainës

Kyrylo Budanov, kreu i agjencisë së inteligjencës ushtarake të Ukrainës, tha se sulmet e vendit të tij në Krime vitin e kaluar ishin “vetëm fillimi”.

Presidenti ukrainas Volodymyr Zelensky shpesh përsërit se një nga qëllimet e tij në luftë është të rimarrë kontrollin e Krimesë, të cilën Rusia e pushtoi dhe e aneksoi në 2014, transmeton Telegrafi.

Në muajt e fundit, Kievi ka kryer disa sulme ndaj pozicioneve ruse në Krime. Një prej tyre ndodhi muajin e kaluar, dhe kishte për qëllim flotën ruse të Detit të Zi në portin e Krimesë të Feodosia. Sulmi rezultoi në shkatërrimin e anijes së madhe zbarkuese Novocherkask.

Lexo po ashtu Ushtarët e Putinit po kthehen të vdekur në atdhe - një aeroplan masiv zbarkon me kufoma në Siberi

Sipas Budanov, Putini mund të presë edhe më shumë sulme ndaj Krimesë këtë vit.

“Në vitin 2023, u bënë inkursionet e para të Ukrainës në Krimenë e pushtuar përkohësisht”, tha Budanov për Le Monde. “Dhe ky është vetëm fillimi”, shtoi ai.

Shefi i inteligjencës së Ukrainës përmendi gjithashtu se Moska po krijon një bazë detare në bregun e Detit të Zi të Abkhazisë, Gjeorgji, pas sulmit të Kievit ndaj bazës së flotës ruse në Sevastopol. “Rusëve iu desh të zhvendosnin gjithçka në juglindje me nxitim”, theksoi ai.

Lexo po ashtu Se si funksionojnë raketat "Javelin" e dëshmojnë më së miri këto pamje - ushtarët ukrainase i hedhin në erë tanket ruse në fushëbetejë

Budanov është një nga zyrtarët më të shquar ukrainas, i cili parashikoi saktë se Putini do të fillonte sulmet, disa muaj para fillimit të luftës. Sot, ai është një nga zyrtarët ushtarakë më të rëndësishëm në Kiev dhe shpesh jep lajme në media për luftën. /Telegrafi/