Putin kishte thënë se nuk kishte “absolutisht asgjë të keqe me politikën e jashtme të Hitlerit deri në mars të vitit 1939”

Një fokus i veçantë, sidomos që nga fillimi i agresionit rus në Ukrainë, i është dhënë edhe mentalitetit të udhëheqësit në dukje gjithnjë e më të izoluar të vendit.

Në këtë drejtim, synimet e Vladimir Putin janë bërë shpesh objekt spekulimesh, me shumë që japin një sërë deklaratash të tij të mëparshme si dëshmi të doktrinës së tij.

Dhe këtyre i është shtuar edhe një e cituar nga James Sherr, një bashkëpunëtor i lartë në institutin e politikës së jashtme të Estonisë, përcjell Telegrafi.

Lexo po ashtu Mediumi britanik sjell pamje që tregojnë se si edhe Hitlerit i dridhej dora, sikurse tani Putinit

Sherr thuhet se mori pjesë në një sërë takimesh të mbajtura nga qendra e mendimit Valdai Discussion Club që priti gjithashtu presidentin rus midis 2008 dhe 2017, shkruan Sky News.

Sherr tha për The Independent se ai kujtoi se Putin “shumë rastësisht” deklaroi në një konferencë të vitit 2009 se nuk kishte “absolutisht asgjë të keqe me politikën e jashtme të Adolf Hitlerit apo ndonjë gjë që ai bëri deri në mars të vitit 1939”, kur nazistët aneksuan pjesët çeke të Bohemia dhe Moravia.

Lexo po ashtu Ukrainasit kanë përmbytur qëllimisht fshatin e tyre për të ndaluar tanket ruse të arrijnë në Kiev

“Argumenti i Hitlerit ishte se ai thjesht po ribashkonte tokat historike gjermane”, citohet të ketë thënë Sherr. “Në të njëjtën mënyrë, Putin tani po fliste për bashkimin e Rusisë dhe botës ruse”.

“Po bëhej e qartë se baza doktrinore për politikën e jashtme të Putinit ishte shumë e ngjashme me atë periudhë të mëparshme të politikës së Hitlerit, ku ai i tha Chamberlain-it dhe të tjerëve, ‘Unë thjesht po marr atë që është e jona historikisht’”. /Telegrafi/