Puplat, trendi i sivjetmë që do t’i japë karakter edhe veshjeve të përditshme

Industria e modës ka propozuar një tendencë të re, veshjet me pupla, që po tentojnë të pushtojnë gardërobën e femrave

Nëse edhe ju po prisni me padurim të përqafoni këtë trend, këtu keni një përzgjedhje të rrobave dhe aksesorëve me pupla të cilave mund t’i vini syrin!

Siç mund ta keni vënë re, fustanet me pupla filluan të shfaqen në pasarelat e markave më në zë të modës që nga viti i kaluar, duke filluar që nga Gucci e më pas edhe te një numër i madh markash që pushtuan Instagramin.

Puplat në modë nuk janë gjë e re. Në fund të fundit, Marie Antoinette ishte e njohur për vendosjen e puplave në flokët e saj për të treguar ekstravagancën që në vitet 1700.

Mikro-tendenca e puplave ka nisur të pushtojë trendet e modës edhe këtë vit, por nuk është një detaj i ri, sepse ka nisur të ngacmojë prej disa vitesh.

Puplat fillimisht na kujtojnë të gjithëve magjepsjen e Old Hollywood, duke kujtuar imazhet e yjeve të ekranit bardh e zi si Jean Harlow ose Zsa Zsa Gabor, mbretëresha e padiskutueshme e fustaneve me pupla.

Megjithatë, në vitin 2022, puplat do t’i shini gjithandej, që nga këmishët e bluzat e thjeshta e deri tek fustanet me shkëlqim, këpucët apo çdo lloj aksesori.

Nëse edhe ju po prisni me padurim të përqafoni këtë trend, këtu keni një përzgjedhje të rrobave dhe aksesorëve me pupla të cilave mund t’i vini syrin!