Publikohet momenti dramatik kur policia qëllon në drejtim të sulmuesit të armatosur, në shkallët e një katedrale në New York

Disa pamje dramatike të publikuara nga mediat e huaja kanë zbuluar momentin kur policia u përball me një person të armatosur në shkallët e një katedraleje, para se ta qëllojë në drejtim të tij, për ta vrarë.

Sipas medieve të huaja, përcjell Telegrafi, pamjet e marra tregojnë të armatosurin ende të paidentifikuar në majë të shkallëve që çon në St John the Divine Cathedral, ndërsa të pranishmit e koncertit fshihen pas një llambë rruge dhe në trotuar.

Burri mund të dëgjohet duke bërtitur ‘më vritni’ në mënyrë të përsëritur, ndërsa ai qëllon disa të shtëna në ajër duke përdorur pistoletat që kishte në të dy duart.

Një oficer i strukur diku aty pranë e urdhëron burrin të hedhë armët disa herë, para se të hapë zjarr ndaj tij ndërsa ai fshihet pas një shtylle para hyrjes së katedrales.

Një oficer i dytë pastaj ngrihet lart dhe hap zjarr.

Në një moment, ata duket se e qëllojnë personin e armatosur në shpatull.

Lexo po ashtu Të shtëna me armë në një katedrale në New York, vritet sulmuesi – jepen detajet e ngjarjes

Pastaj policia mund të shihet duke vrapuar, para se të vijnë më shumë të tjerë dhe të shkojnë shkallëve atje ku personi i armatosur është i palëvizur.

Zyrtarët i heqin armët atij, para se të vijnë ambulancat.

Ai ishte vendosur në një barelë, para se të dërgohej në spitalin Mount Sinai Morningside ku u shpall i vdekur. Askush tjetër nuk u lëndua gjatë të shtënave.

Të shtënat ndodhën rreth orës 3.45 pasdite të Dielën, ndërsa rreth 200 njerëz u mblodhën para katedrales për një koncert të këngëve të Krishtlindjeve në ambient të hapur. /Telegrafi/