Publikohen pamjet e fundit në Moskë të bijës së ish-spiunit rus, e cila së bashku me babanë u helmuan në Londër (Foto/Video)

Hetuesit rusë kanë njoftuar se kanë analizuar më vëmendje lëvizjet e Yulia Skripal, bija e ish-spiunit rus Sergei Skripal i cili është helmuar së bashku me babanë në Londër.

Ata kanë publikuar pamjet nga shtëpia e saj në Moskë e deri në aeroport, nga ku ka udhëtuar me aeroplan për në Londër, duke pretenduar se nuk kanë gjetur kurrfarë gjurmë të helmit, transmeton Telegrafi.

Agjencia amerikane e lajmeve AP, raporton se Skripal dhe bija e tij muajin e kaluar janë helmuar në Britani të Madhe me agjent nervor.

Thuhet se Yulia Skripal jeton në Moskë, dhe se ato ditë kishte shkuar për vizitë tek babai i saj në Britani, duke bërë që autoritet e sigurisë britanike të besojnë se ajo mund të ketë marrë me vete substancën helmuese.

Por, Komiteti për hetime i Rusisë mbrëmë ka publikuar në internet pamjet e filmuara nga kamerat e sigurisë, ku shihet ajo në aeroportin e Moskës, “Ssermetevo”, duke treguar çdo lëvizje të saj deri në aeroport.

Ata kanë njoftuar se kanë identifikuar të gjithë personat që kanë qenë më të në aeroplan, ku asnjëri prej tyre nuk ka pasur simptoma të helmimit. /Telegrafi/