Publikohen bisedat telefonike mes Taylor Swift dhe Kanye West

Taylor Swift mund ta ketë mbaruar grindjen me Katy Perry, por zënka me Kanye West duket se thjesht nuk po mbaron.

Së fundmi kanë rrjedhur disa thirrje telefonike mes Swift dhe West duke diskutuar rreth këngës “Famous”, ku reperi i ishte referuar asaj me shprehje të pakëndshme, shkruan NewsDay.

Kanye ka thënë se teksti u aprovua nga Taylor, se folën për një orë në telefon dhe se asaj iu duk për të qeshur. Përfaqësuesi i këngëtares kishte reaguar ndaj këtij pohimi duke thënë se West nuk i njoftoi në asnjë moment se do ta quante “bushtër” në këngë.

Gjashtë muaj më vonë, Kim Kardashian publikoi në Snapchat bisedën telefonike mes Kanye dhe Taylor. Mesa kuptohej, Taylor e kishte aprovuar vërtet tekstin. Një vit më vonë, Swift e kishte provokuar çiftin e famshëm përmes këngës “Look What You Made Me Do.”

Pas dhjetëra incidentesh të vogla, mbërrijmë në ditën e sotme, ku telefonata mes Kanye dhe Taylor u publikua e plotë. Këngëtarja e aprovoi vërtet vetëm pjesën “unë dhe Taylor mund të bëjmë seks”, por jo pjesën ku reperi thotë “e bëra të famshme atë bushtër” sepse ai s’ia përmendi kurrë. Madje, Swift theksoi se do të ndihej shumë keq nëse do ta quante “bushtër” në këngë.

E gjithë kjo dramë kishte filluar në vitin 2009 në ceremoninë e MTV Video Music Awards, ku Taylor Swift fitoi çmimin ‘Best Female Artist’, e që West gjatë fjalimit të tij i kishte thënë se nuk e meritonte ajo, por Beyonce me këngën “Single Ladies”. /Telegrafi/