Psikologu shpjegon si ky truk 12-sekondash ju ndihmon për të qenë më pozitiv

Dr. Rick Hanson thotë se trurit tonë i duhen vetëm 12 sekonda për të krijuar lidhje të reja midis neuroneve

Neuronet janë komunikuesit e trurit. Ato bartin mesazhe nga një pjesë e trurit në tjetrën dhe nga truri në zona të tjera të sistemit nervor.

Në një fjalim në TEDxMarin, Dr. Rick Hanson, i cili themeloi Institutin Wellspring për neuroshkencën dhe ka shkruar gjashtë libra, përfshirë bestsellerin, “Hardwiring Happiness: The New Brain Science of Contentment, Calm, and Confidence”, theksoi trukun 12-sekondash.

Kur jemi të stresuar, nivelet e kortizolit rriten. Shumë kortizol rrit shanset tona për të rënë pre e depresionit ose ankthit. Nëse hasni një pengesë ose ndiheni të trishtuar, të frustruar ose nervoz, përpiquni të përdorni rregullin 12 sekondash për të qenë më pozitiv.

Për ta bërë këtë, kaloni të paktën 12 sekonda duke menduar për një kujtim pozitiv, imazh ose marrëdhënie. Mendoni për të gjitha arsyet që truri juaj e klasifikon këtë kujtesë, imazh ose marrëdhënie si diçka të mirë.

Bëjeni sa herë që ndiheni të stresuar ose kur gjendeni në një territor negativ. Me kalimin e kohës, truri do të stërvitet vetë për të parë anën e ndritshme, në vend që të përqendrohet te negativiteti.

Kjo nuk do të thotë që po injoroni gjëra të këqija që ndodhin të cilat duhet të trajtohen, citon Anabel.

Kjo do të thotë që jeni duke rimodeluar trurin që të anojë drejt pozitivitetit sesa negativitetit. Mund të ndërtojë rezistencë ndaj situatave të vështira, të përmirësojë gjendjen e përgjithshme shpirtërore dhe madje të ndihmojë në luftën kundër stresit post-traumatik. /Telegrafi