PSG po merr një vendim befasues për të ardhmen e Xavi Simons

PSG ka mbetur i impresionuar me atë që ka parë nga mesfushori i tyre i huazuar Xavi Simons në RB Leipzig në sezonin 2023/24.

Megjithatë, sipas Ben Jacobs të CBS Sports, ata ende nuk kanë vendosur nëse do ta tërheqin atë në skuadrën e tyre për sezonin e ardhshëm apo do të rinovojnë periudhën e tij të huazimit në RB Leipzig.

Në fakt, ka më shumë gjasa që klubi francez ta kthejë atë në gjigantët e Bundesligës për një periudhë tjetër huazimi një vjeçare për të siguruar që ai të ketë kohë të mjaftueshme për të luajtur.

Lexo po ashtu Zbulohet lojtari që do të jetë fytyra e PSG-së pas largimit të Mbappes në verë

Ky vendim i parisienëve po duket si befasues duke marrë parasysh formën e jashtëzakonshme që ka shfaqur Xavi Simons me klubin gjerman.

Ndërsa nuk është e pamundur për PSG-në të konsiderojë shitjen e Simons përgjithmonë, do të kërkonte një ofertë ‘të jashtëzakonshme’ që ata ta konsiderojnë atë.

Lexo po ashtu E duan top klubet evropiane, PSG ka një plan të qartë për Xavi Simons

Simons ka qenë në formë të mahnitshme për Leipzig deri më tani këtë sezon, pasi ka shënuar nëntë gola dhe ka dhënë 15 asistime në 41 paraqitje.

Reprezentuesi holandez është në listën e dëshirave të disa skuadrave të mëdha si Arsenal, Man Utd, Liverpool, Chelsea dhe Borussia Dortmund. /Telegrafi/